瀧宴日本料理

营业中

休息中

【26樓高層維港景鐵板燒】．大量新鮮生猛食材．我諗全香港冇乜邊幾間鐵板燒係會有呢一個景，我覺得大家都可以bookmark定先。喺銅鑼灣地段26樓高層，超靚維港景，成個地方都好開陽，好鍾意佢哋落地玻璃嘅設計。食材係超級新鮮，眼見都有日本飛機貨，舖頭入面都自設魚缸，龍蝦、鮑魚係即場喺你面前撈比你睇。忍唔住加錢叫咗隻龍蝦刺身，即撈即劏，非常鮮甜彈牙。晚市呢個鐵板燒set有齊龍蝦、宮崎和牛、鵝肝，前菜都唔係隨隨便便，有南非鮑魚同埋吞拿魚腩手卷，鐵板燒嘅龍蝦真係好出色，加咗牛油同醬油更加惹味；有入口即溶有鵝肝；和牛配埋蒜片同埋少少海鹽一齊食，最後仲有煎蛋鐵板炒飯，唔經唔覺食咗十幾道菜。