最近行街發現咗法式甜點店ARTE by padaria有款可頌夾心球，我稱佢做「可頌波波」，因為成個立體月球咁，圓波波好可愛，仲好多味選擇，外型討好又好應節。
除此之外，店內仲有不同款式的蛋糕、曲奇，做功精緻，今年中秋節就帶晒佢哋一齊過節啦！
.
🥐法式可頌夾心球（流心黑朱古力可頌）
拳頭咁大，成個都可以食落肚，可頌外皮乾身少少脆，內裡是瑪德蓮蛋糕芯，蛋糕軟棉棉，我揀咗朱古力流心餡料，黑朱古力香濃，唔太甜，豐富口感有層次。
.
其他可頌味道：瑪德蓮菠蘿可頌球 / XO醬可頌球 / 咸蛋可頌球 / 伯爵茶芒果可頌球 / 肉桂蘋果可頌球 / 香蕉肉桂朱古力可頌球
.
🌹唯一的愛（法式反烤蘋果杏仁撻）
個樣同個名都超級浪漫，氹人氹自己都一流🥰。切開清晰見到蘋果粒粒，食入口除了蘋果香仲有濃郁杏仁和玉桂味，軟錦慕絲質感充滿甜蜜蜜感覺。
