逸 壽司 (已結業)

去尖沙咀覓食，揾到間入門級omakase😋除咗omakase，呢到嘅午餐定食都好抵食，由$88嘅丼飯至$148壽司盛都有，朋友之前食過都話食材好新鮮，性價比幾高🤩今次揀咗個入門級嘅omakase，師傅話餐牌只供參考，實際會根據當日新鮮食材決定，係名副其實嘅廚師發辦🥰🥢梅Ume ($398)🔸前菜 - 🐙芥末八爪魚、榨菜🔸壽司十款春子鯛 - 師傅話係真鯛bb嚟，面頭加左啲蛋黃鬆，食落柔軟幼滑，入口即溶❣️北海道牡丹蝦 - 超鮮甜，蝦肉厚實，仲好爽口🤩蜜柑鯛 - 有清新嘅柚子味，好開胃，食完都仲有陣味停留喺口腔🤤💕赤貝 - 師傅上菜嗰陣拍咗一下，話會更有鮮味，赤貝會自己縮埋好搞笑🤣可惜太快影唔到🫣赤貝好鮮甜，咬落嗦嗦聲好爽口😍金時鯛 - 好厚實，有肉地😍活北寄貝 - 火灸咗嘅北寄貝，貝味會出啲，師傅仲加咗青檸汁🍋更突出鮮味，味道更清新😋海膽杯 - 一次過試2款海膽，圖中前面橙色啲係韓國海膽，味道好鮮甜同creamy🥰；而後面嘅係北海道海膽，食落甘味重啲🙈鯖魚 - 師傅加咗紫蘇葉，令魚香更岀，幾清新鰹魚 - 煙燻咗嘅鰹魚，面頭加左啲木魚絲，煙燻味唔算好重剛剛好🤣大拖羅 - 油脂味重，好肥美好正