你妳 (已結業)

🔸兩個人$150有找，食晒芋泥吐司，乾拌面，台式蛋餅，仙草凍等等令人好掛住台灣嘅美食😍有埋台式飲品，真係做到？係真係得嘅💪🏻仲要食到勁飽差啲食唔晒！！今次都係外賣推介系列，就係「你妳」❤️🔸之前都有食過佢地本身第二間嘅堂食，而呢間黃埔分店係外賣店嚟，有好多組合優惠令到佢抵上加抵😛主食方面叫咗皇牌芋泥肉鬆吐司，乾拌面同台式芝士蛋餅🤤最大讚一定係吐司啦，之前荃灣成日快速沽清想食都食唔到，今次食到真係聞名不如見到👍🏻👍🏻芋泥肉鬆都超厚料，而芋泥係好足料果種，滿分！乾拌面同蛋餅就正常水準，充滿地道風味～我用嚟食乾拌面嘅餸有花枝丸同腐皮卷😁兩款都幾好在於首先佢隻花枝丸真係有好多花枝係入面，平時其他地方食到嘅係無咁足；而腐皮卷係韭菜風味都幾特別😋🔸最後埋尾有小布丁芋圓仙草凍，葡萄柚烏龍茶同埋白桃綠茶。鍾意佢啲台式飲品個味係清新同唔會好假，而仙草凍水準中上😋總結係真係抵到爆就可以食晒全台灣，仲要食物水準好高，真心值得推介👍🏻