餐廳門口泊左部篤篤係度，可以隨便坐上去影相，真係令人好懷念泰國曼谷塞晒車嘅街道呀😂～～～～
船皇湯麵（+小食/飲品）$52
船皇湯麵係最貴嘅食品，皆因有齊豬🐷牛🐮雞🐔所有配料，包括牛腩、牛肉片、牛肉丸、雞絲、雞翼、豬肉片、豬肉丸、豬潤，仲有每碗都配備嘅炸豬皮！不過最鍾意都係佢濃得黎偏酸嘅湯底，飲落唔會油膩唔會滯，成日未食完d麵就飲曬個湯😛。
下午茶就係抵食！送小食/飲品之餘加多八蚊就可以有齊兩樣！叫左泰式炸蝦🍤卷同凍柚子檸檬梳打，炸蝦熱辣辣不過油左少少，飲品無乜特別但最正係個杯（碗？），睇見都開心😀。
