米線哥 (已結業)

食米線除左有三哥之外有多個選擇呀，就係後起之秀「米線哥」。🌖D1 蜀地川風水煮肥牛片米線(中辣) $55好彩係order 之前發現好大碗，咁就叫左一份黎share，中辣真係好辣，所以我夾去碗仔度食同倒好少湯，想share 黎食但一個愛辣一個唔太掂得辣嘅可以用呢個方法👍🏻。水煮湯底以外仲加左好多辣椒同大量蒜蓉，愛蒜🧄一族必點！牛肉份量都唔算少，對得住個價錢。🌕香辣炸雞 跟餐價$20一碟總共有五件，每件表面灑滿孜然粉，一上枱就聞到陣陣香氣，重口味人士必叫！外皮香脆唔油膩，內裏嫩滑又Juicy。成為米線哥小食Top 3之首，實至名歸。🌗辣肉燥 $20怕水煮米線太辣，所以特登叫多個辣肉醬，有乜事都可以來肉燥撈米線😛。新張期間惠顧米線一碗，只需加一蚊即可享冷/熱飲品（凍檸茶有成四片檸檬，好有誠意，絕對唔係Hea你）。之前去深水埗加滕屋食飯見有米線哥coupon 送；今日黎到太子米線哥，發現佢係正加滕屋隔離，仲要poster 都貼埋去加滕屋度，我好懷疑佢地係咪同一個老闆🤔🤔🤔，anyway黃圈繼續壯大下去一定係好事💪🏻💪🏻💪🏻。