影片
更多
2023-07-09
1316 浏览
又一間新開嘅𝐜𝐚𝐟𝐞～因為想試 @ym_bakery 嘅切件而飛奔去嘅ʕ •ᴥ•ʔ 一直好想上佢堂，但未揾岩時間，可惜佢已經無再開班，唯有食佢既切件感受下！走入牛頭角有時會覺得有啲喘不過氣嘅感覺，四周都係擋住個天嘅工廈，條街亦都好多人，好似好難會有啲周末可以好好抖吓嘅地方。呢間幾有空間感，個環境感覺好舒服，主要以木系做裝修，再加一啲綠色嘅植物，令人感覺幾寫意！雖然今次只係飲咖啡同食甜品，但其實仲有主食添架，所以打工仔想lunch time忙裏偷閑都絕對可以！仲有低卡路里之選，想減肥又想出街食下野可以過嚟▼・ᴥ・▼ ==============================〖 𝐄𝐚𝐫𝐥 𝐠𝐫𝐞𝐲 𝐜𝐡𝐞𝐞𝐬𝐞𝐜𝐚𝐤𝐞 𝐰𝐢𝐭𝐡 𝐥𝐨𝐭𝐮𝐬🫖 〗 💰𝟓𝟖 | 🜸 𝟑.𝟖/𝟓三款入面最愛呢款～蛋糕餅底係用咗𝒍𝒐𝒕𝒖𝒔焦糖餅,獨特嘅焦糖香氣加上香脆嘅口感增加整體嘅風味。蛋糕食落帶陣陣嘅花香，蛋糕口感好順滑，中間仲係軟心嚟嘅添！不過伯爵茶味唔夠濃郁，帶淡淡清香嘅茶味，冇芝士味咁濃，但加左𝒍𝒐𝒕𝒖𝒔嘅焦糖味又幾夾，味道上嘅層次好豐富，個面層會有少少朱古力，味道上亦都唔會好甜，好幸福，所有野都恰
又一間新開嘅𝐜𝐚𝐟𝐞～
因為想試 @ym_bakery 嘅切件而飛奔去嘅ʕ •ᴥ•ʔ 一直好想上佢堂，但未揾岩時間，可惜佢已經無再開班，唯有食佢既切件感受下！
走入牛頭角有時會覺得有啲喘不過氣嘅感覺，四周都係擋住個天嘅工廈，條街亦都好多人，好似好難會有啲周末可以好好抖吓嘅地方。呢間幾有空間感，個環境感覺好舒服，主要以木系做裝修，再加一啲綠色嘅植物，令人感覺幾寫意！雖然今次只係飲咖啡同食甜品，但其實仲有主食添架，所以打工仔想lunch time忙裏偷閑都絕對可以！仲有低卡路里之選，想減肥又想出街食下野可以過嚟▼・ᴥ・▼
==============================
〖 𝐄𝐚𝐫𝐥 𝐠𝐫𝐞𝐲 𝐜𝐡𝐞𝐞𝐬𝐞𝐜𝐚𝐤𝐞 𝐰𝐢𝐭𝐡 𝐥𝐨𝐭𝐮𝐬🫖 〗 💰𝟓𝟖 | 🜸 𝟑.𝟖/𝟓
三款入面最愛呢款～蛋糕餅底係用咗𝒍𝒐𝒕𝒖𝒔焦糖餅,獨特嘅焦糖香氣加上香脆嘅口感增加整體嘅風味。蛋糕食落帶陣陣嘅花香，蛋糕口感好順滑，中間仲係軟心嚟嘅添！不過伯爵茶味唔夠濃郁，帶淡淡清香嘅茶味，冇芝士味咁濃，但加左𝒍𝒐𝒕𝒖𝒔嘅焦糖味又幾夾，味道上嘅層次好豐富，個面層會有少少朱古力，味道上亦都唔會好甜，好幸福，所有野都恰到好處🫶🏻
Earl Grey Basque Cheesecake
12 浏览
0 赞好
0 留言
Earl Grey Basque Cheesecake
12 浏览
0 赞好
0 留言
〖 𝐎𝐨𝐥𝐨𝐧𝐠 𝐩𝐞𝐚𝐜𝐡 𝐫𝐨𝐥𝐥🍑 〗💰𝟒𝟖 | 🜸 𝟑.𝟔/𝟓
喺個卷蛋嘅橫切面已經見到舊桃好大舊，好快就可以聞到桃嘅清甜嘅香氣，個桃食落偏軟身。蛋糕體質感偏紮實，帶輕微回彈力，濕潤度大概達到中等嘅水平，食落淡淡楓糖味～但如果蛋烏龍茶味可以再突出啲就好了！但整體嚟講個卷蛋食落感覺清新，唔會好膩。
Oolong Peach Roll
30 浏览
0 赞好
0 留言
Oolong Peach Roll
13 浏览
0 赞好
0 留言
〖 𝐋𝐚𝐯𝐚 𝐦𝐚𝐭𝐜𝐡𝐚 𝐫𝐨𝐥𝐥🍵 〗💰𝟒𝟖 | 🜸 𝟑.𝟖/𝟓
熔岩抹茶蛋捲一上檯已經比面頭嘅花花裝飾吸引咗，蛋糕體好重蛋香味，質地比較紮實，配上比較稀身嘅忌廉，好輕盈，有啲入口即溶嘅口感。忌廉入邊仲有蕨餅，蕨餅嘅拉扯度好高，少少煙靭同埋好滑溜，加強咗卷蛋嘅口感。至於重點嘅抹茶味好香濃，而且奶香比較重，如果更加回甘就好啦！
Lava Matcha Roll
10 浏览
0 赞好
0 留言
Lava Matcha Roll
16 浏览
0 赞好
0 留言
〖 𝐂𝐨𝐜𝐨𝐧𝐮𝐭 𝐁𝐫𝐞𝐰🧉 〗💰𝟒𝟖 | 🜸 𝟑.𝟖/𝟓
喺一個咁熱嘅天氣，當然都要叫返杯嘢飲啦，呢款椰子冷萃咖啡味道好特別，椰子味非常濃郁同清爽，佢嘅果香同埋微微嘅甜味令咖啡嘅香味更加豐富，係一杯好適合用嚟消暑嘅咖啡！
Coconut Brew
$48
10 浏览
0 赞好
0 留言
——————————————————————————
評分🌟(10分最高💯)
價錢💰: 7.5/10
味道👅: 8/10
環境🌱: 8.5/10
回頭❣️: 8/10
服務👀: 8.8/10
人均消費: $80-100
想睇多啲好西就記住☟
꧁Follow @hknous.foodie꧂
🔍 店舖資料
☕️ 𝐁𝐢𝐬𝐜𝐡𝐨̈𝐟𝐢𝐚 𝐛𝐲 𝐌𝐎̈𝐨̈𝐃
📍 觀塘鴻圖道𝟏𝟗號富登中心地下𝟏號舖
🦶🏻 港鐵牛頭角站𝐁𝟔出口,步行約𝟒分鐘
⏰ 𝗠𝗼𝗻-𝐅𝐫𝐮: 𝟬𝟴:𝟬𝟬-𝟏𝟗:𝟎𝟎
⏰ 𝐒𝐚𝐭&𝐏𝐇: 𝟬𝟗:𝟎𝟎-𝟏𝟖:𝟎𝟎
⏰ 𝐒𝐮𝐧: 𝐎𝐅𝐅
☎️ 𝟑𝟏𝟖𝟖 𝟑𝟖𝟏𝟐
🔍想搵同類型嘅餐廳𓂀✍
⌫ #eatwithnous_牛頭角
⌫ #eatwithnous_cafe
#foodie #hkfoodie #hkig #hkfood #cafe #hkcafe #hkgirl #hkdaily #matcha #hongkong #earlgrey #desserts #cafehopping #foodoftheday #咖啡 #蛋糕 #美食 #相機食先 #吃貨 #打卡 #手機食先 #牛頭角美食 #小店
张贴
