Ink

营业中

休息中

【 海旁邊的悠閒小店 】前排疫情最緩和的時候，尖沙咀太空館重開，我地帶左哥哥和弟弟一齊去玩，玩完去海旁行下，見到香港藝術館地下有間餐廳Ink，我地就去休息下食小小野。Ink係露天自助的餐廳，要自行點餐和取餐，餐廳門口位置的用餐座位係高櫈，環境較開楊望到成個維港景色，但實在太曬所以我地選擇了隔離的半露天座位，果日天氣好好，雖然好熱但都FEEL到陣陣風。我地點了一份套餐，主菜選了白脫牛奶炸雞脾配墨魚汁炒飯，再另外點了天婦羅八爪魚丸。天婦羅八爪魚丸真係好好味，外層有小小脆，裡面都有大大粒的八爪魚，哥哥好鍾意食。白脫牛奶炸雞脾都整的幾好味，雖然肉的口感有小小鞋，但炸得好香口。墨魚汁炒飯我就覺得一般，因為炒飯好硬，要咬好耐，而且比較乾身。