小明珠

【🤠最爽皮晚餐｜觀塘的「小明珠」🔮】「爽皮」係我幾鍾意食嘅一味菜，多數以鯇魚皮焯熟放上薑蔥絲淋上調味好的豉油而成，口感爽脆，所以都稱呼為「爽魚皮」。喜歡食爽皮嘅朋友唔多，今次「臭味相投」嘅朋友帶我嚟觀塘，搵好食嘅爽皮🤭！食咗咩🦭涼拌麻椒魚皮麻辣口味好惹味，魚皮爽脆無比，骨膠原充滿口腔，花生細細粒炒得極香脆，麻麻辣辣好開胃，比預期中大碟，配啤酒好夾。🦭銀芽炒鱔糊醬汁調較得幾啱我口味，咸咸甜甜蜜蜜嘅味道，欣賞銀芽炒得乾身保持爽脆清甜，絕無水汪汪，鱔糊入口啖啖肉，配飯配啤酒都好夾。🦭芥末蝦球蝦仁先炸後炒，炸漿薄薄又夠咬口，蝦仁大大粒肉質彈牙，沾上沙律醬，粒粒菠蘿酸酸甜甜亦有微微的芥末味，驚喜位係有小蓮藕「藕帶」爽口酸甜感覺清爽，好啱夏天食。🦭蒸銀絲卷銀絲卷手工見真章，由廚師重復由粗條拉成細絲，再由細絲拉成銀絲。今次呢條銀絲卷好靚，蒸起又香又軟滑。🔮小明珠（觀塘）📍觀塘聯安街35號地下#小明珠川滬菜 #小明珠 #觀塘美食 #香港餐廳推薦 #川滬菜推薦 #香港 #香港旅行 #香港美食 #觀塘