影片
更多
2023-07-12
61 浏览
花園街一向係覓食之地，見到呢間新開張嘅川菜做緊8折優惠，即刻心心眼😍走入去試，入面裝修好舒服，座位都幾寬敞。💡 香辣干鍋 (牛蛙、魷魚鬚、牛柏葉、肥腸&湖南花菜) $211 & 白飯 $13 x 2呢度嘅干鍋係招牌，之前未試過食干鍋，簡單啲講就係類似車仔麵任揀配料，之後再炒埋一鍋。一上枱就覺得好香，同行朋友食過干鍋就話呢間真係炒得夠乾，唔會有油浸住。食落其實有少少似串燒，但因為走過油炒，仲keep到水份。牛蛙真係重點推薦，肉質鮮嫩又夠晒入味。魷魚鬚、牛柏葉同肥腸有咬口，想食菜又怕吸油，叫花菜就剛剛好。個人都幾鍾意香辣味，聞落同食落都要香料味，令食材更加惹味。💡招牌酸菜魚 $228酸菜魚大大盤真係好抵食，鋪滿魚塊，仲要起晒骨，怕骨人士都唔怕！味道偏酸，我叫咗小辣唔算好辣，朋友唔算食得辣都接受到，唔辛苦但又享受到辣嘅樂趣，食開辣嘅人士可以中辣開始。寬粉、芽菜等配料都相當多，可以慢慢享受～💡麻辣粉皮 $40粉皮拌上麻辣油，作為冷盤，真係簡單開胃！💡好X大杯凍檸茶 $32 x2行咗一小段路已經出晒汗，即刻叫返杯大大杯嘅凍檸茶，飲返幾啖解渴。食辣嘢真係要杯飲品解解辣，平時一杯正常size又唔夠一
💡 香辣干鍋 (牛蛙、魷魚鬚、牛柏葉、肥腸&湖南花菜) $211 & 白飯 $13 x 2
呢度嘅干鍋係招牌，之前未試過食干鍋，簡單啲講就係類似車仔麵任揀配料，之後再炒埋一鍋。一上枱就覺得好香，同行朋友食過干鍋就話呢間真係炒得夠乾，唔會有油浸住。食落其實有少少似串燒，但因為走過油炒，仲keep到水份。牛蛙真係重點推薦，肉質鮮嫩又夠晒入味。魷魚鬚、牛柏葉同肥腸有咬口，想食菜又怕吸油，叫花菜就剛剛好。個人都幾鍾意香辣味，聞落同食落都要香料味，令食材更加惹味。
💡招牌酸菜魚 $228
酸菜魚大大盤真係好抵食，鋪滿魚塊，仲要起晒骨，怕骨人士都唔怕！味道偏酸，我叫咗小辣唔算好辣，朋友唔算食得辣都接受到，唔辛苦但又享受到辣嘅樂趣，食開辣嘅人士可以中辣開始。寬粉、芽菜等配料都相當多，可以慢慢享受～
💡麻辣粉皮 $40
粉皮拌上麻辣油，作為冷盤，真係簡單開胃！
💡好X大杯凍檸茶 $32 x2
行咗一小段路已經出晒汗，即刻叫返杯大大杯嘅凍檸茶，飲返幾啖解渴。食辣嘢真係要杯飲品解解辣，平時一杯正常size又唔夠一餐飯飲，呢個size就啱啱好！
8折後減成百幾蚊🥹，份量仲要都幾多，建議一班人嚟食可以叫多啲人嚟試唔同小菜～
张贴
