紅火雞煲 (元州街)

营业中

休息中

有時心大心細唔知揀咩好，想食韓燒又怕太乾，想食雞煲又怕太寡🥹位於長沙灣元州街嘅紅火雞煲幫到你！雞煲火鍋韓燒三合一，任飲任食之餘價錢仲係相當之合理😍一入到去已經覺得環境好闊落，唔駛同隔離枱迫。有兩個大雪櫃放曬可以自取嘅食材，分類好整齊亦都好吸引🤩眼見亦有唔少大枱可以俾一大班friend坐低圍威喂一晚，成個氣氛都幾地道👍🏻整體環境都好乾淨，食得非常安心😋🌟 百年古方雞煲平時食得多麻辣雞煲，今次試下呢個百年古方雞煲。有辣有唔辣，任君挑選。個鍋底非常之足料！加埋秘製醬汁，成個雞煲真係香味撲鼻👃雞肉唔柴，又滑又入味。湯底嘅味道喺食完啲雞之後打邊爐都十分適合👍🏻推薦🌟 手打鮮蝦滑呢個手打鮮蝦滑真係非常有驚喜！唔腥有咬口，食落仲係好鮮甜，如果平時打邊爐食丸食到悶嘅，不妨試試呢一個蝦滑。仲有個筒仔裝住等你容易處理，唔怕拿手唔成勢🤣🌟 爽口鱔片呢個一口脆鯇片都值得一個高評價！新鮮少骨又爽口。用佢黎打邊爐好快就入味，個大細又切得啱啱好，真係啱啱好一啖一嚿😋如果怕魚腥味嘅人都唔駛驚，因為處理得好好！一啲腥味都冇，真係值得一試👍🏻味道：🌕🌕🌕🌕🌑環境：🌕🌕🌕🌕🌑價錢：🌕🌕🌕🌕🌗