1
雖然小店位置比較隱蔽，但裝潢並唔馬虎，仲幾有小清新感覺添☺️～而且墊枱紙都寫咗小店營運嘅意義同特色，睇得出係用心經營嘅小店❤️。
3
·
🔸[藥膳雞配湯米線+椒鹽台腸片] (HK$68)
湯底方面，好重藥膳味👍🏻，而且十分足料，有紅棗、杞子、桂花等等，味道濃郁得嚟帶點甘甘甜甜🤤。雞肉就烹調得入味，吸收晒啲藥材味。台腸片味道甜甜地，係台灣嘅風味😆！
·
🔸[肉燥咸香雞脾噹+炸腐皮魚角] (HK$68)
咸香雞脾入味🍗，用咗自家蒸煮方法去烹調，所以肉質軟腍。而對比食過嘅肉燥，呢度嘅肉燥幾特別😉，比較乾身、冇咁油膩，味道就咸咸甜甜，送飯一流！至於魚角，味道正常、彈牙。
·
🔸 [伯爵珍珠奶茶🥤] (跟餐優惠價HK$16)
好香伯爵茶味，甜度適中，唔會太甜。至於珍珠，夠晒煙韌彈牙，正😍！整體嚟講，成杯嘢飲都好飲～如果唔點餐單點嘅話，原價係HK$22～
·
✨妹豬仔👧🏻💬: 食物整體份量算大，價錢合理👍🏻。而且食物係即點即整，夠晒熱辣辣，值得加分😉！小店除咗可以堂食之外，仲可以外賣自取咖，而我覺得有趣而貼心嘅地方係，小店特登喺門面位置加咗一個「外賣自取銷量排行榜」，等客人了解到top 3係邊啲餐，而再決定買咩嘢餐😁。
3
11
