影片
更多
2022-12-13
41 浏览
今次去咗位於尖沙咀天文臺道最受歡迎嘅餐廳酒吧，主打墨西哥菜，環境幾舒適，裝修昏暗有格調，牆上仲有墨西哥風情壁畫，酒吧開放式設計，室內外環境都可以坐，相當relax，播埋Chill 爆音樂，強勁節拍有氣氛，難怪平日咁受上班族歡迎，放工過嚟飲酒傾計，釋放下壓力，而呢度墨西哥菜都唔錯，味道正宗。墨西哥牛肉玉米餅沙律(Mexican Beef Taco Salad)未上主菜之前，我哋先嚟個黑西哥風味嘅沙律，色彩鮮艷，材料豐富，材料有牛肉、玉米餅、沙律菜、牛油果、車厘茄、石榴、乳酪醬、蕃茄莎莎醬。牛肉粒入味，車厘茄、沙律菜新鮮爽脆，石榴夠甜，將所有食材同醬撈勻之後食味道酸酸甜甜，帶有後勁辣味，越食越過癮，屬於開胃前菜。墨西哥烤雞半隻 (Mexican Roast Chicken-half）烤雞外表烤至香焦，雞髀肉部位都幾嫩滑，半隻雞都係啖啖肉，雞皮帶有檸檬、墨西哥香料既香味，食落好開胃，旁邊有墨西哥飯，粒粒分明，帶有蕃茄味道，另外有各種燒過瓜類串燒解膩，好爽脆。大蔥· 大蒜雞肉墨西哥酥餅(Chilli Garlic Chicken, Green Onion Quesadilla)墨西哥酥餅烤至微
今次去咗位於尖沙咀天文臺道最受歡迎嘅餐廳酒吧，主打墨西哥菜，環境幾舒適，裝修昏暗有格調，牆上仲有墨西哥風情壁畫，酒吧開放式設計，室內外環境都可以坐，相當relax，播埋Chill 爆音樂，強勁節拍有氣氛，難怪平日咁受上班族歡迎，放工過嚟飲酒傾計，釋放下壓力，而呢度墨西哥菜都唔錯，味道正宗。
墨西哥牛肉玉米餅沙律
(Mexican Beef Taco Salad)
未上主菜之前，我哋先嚟個黑西哥風味嘅沙律，色彩鮮艷，材料豐富，材料有牛肉、玉米餅、沙律菜、牛油果、車厘茄、石榴、乳酪醬、蕃茄莎莎醬。牛肉粒入味，車厘茄、沙律菜新鮮爽脆，石榴夠甜，將所有食材同醬撈勻之後食味道酸酸甜甜，帶有後勁辣味，越食越過癮，屬於開胃前菜。
墨西哥烤雞半隻
(Mexican Roast Chicken-half）
烤雞外表烤至香焦，雞髀肉部位都幾嫩滑，半隻雞都係啖啖肉，雞皮帶有檸檬、墨西哥香料既香味，食落好開胃，旁邊有墨西哥飯，粒粒分明，帶有蕃茄味道，另外有各種燒過瓜類串燒解膩，好爽脆。
大蔥· 大蒜雞肉墨西哥酥餅
(Chilli Garlic Chicken, Green Onion Quesadilla)
墨西哥酥餅烤至微暖，口感煙靱，帶點酥脆，中間夾住辣辣地嘅大蔥大蒜雞肉雞肉，惹味多汁，佢嘅辣味係後勁凌厲，越食越刺激，配上三款墨西哥經典風味醬，牛油果醬、乳酪醬、蕃茄莎莎醬，相當開胃。
张贴
