影片
更多
2024-02-29
117 浏览
位于上环嘅 Nissa la Bella，典型南法酒馆风格，浪漫优雅氛围，无论情侣约会抑或聚会都好适合。室内装潢以木系同埋深红色调座位，墙上挂有复古法国海报装饰。餐厅主打精致法国菜式，外籍厨师主理，吸引唔少外国人同埋钟意品酒嘅客人光顾，令到大家可以品尝到正宗法国饮食文化。值得一赞嘅系外籍店员殷勤有礼，热情主动。Pissaladière尼斯洋葱塔嚟自南法嘅口味，烘至口感酥脆嘅佛卡夏，配上煮到甜中带咸嘅焦糖洋葱酱，味道浓郁，加上橄榄油同埋鳀鱼去提鲜，增加咸香层次。Haricots verts sautes开胃前菜，法边豆沙律，以法边豆为主角，翠绿爽口，搭配生蘑菇、洋葱碎，果仁等，配上红葱头醋汁，味道微酸，越食越开胃，好有清新嘅田园感。Ceviche de la peche du jour菜式卖相精致，是日Ceviche系八爪鱼他他，用料新鲜，配以花瓣及Popcorn作为点缀，八爪鱼切成粒粒形状，用柠汁腌制过，再以多种辣椒调味，味道酸酸辣辣，八爪鱼带有浓郁嘅海水味，可再加入柠檬汁去提鲜。Souris d'Agneau et legumes rotis慢煮羊腿，一上枱已经闻到好大阵烟熏味，香气
位于上环嘅 Nissa la Bella，典型南法酒馆风格，浪漫优雅氛围，无论情侣约会抑或聚会都好适合。室内装潢以木系同埋深红色调座位，墙上挂有复古法国海报装饰。餐厅主打精致法国菜式，外籍厨师主理，吸引唔少外国人同埋钟意品酒嘅客人光顾，令到大家可以品尝到正宗法国饮食文化。值得一赞嘅系外籍店员殷勤有礼，热情主动。
Pissaladière
尼斯洋葱塔嚟自南法嘅口味，烘至口感酥脆嘅佛卡夏，配上煮到甜中带咸嘅焦糖洋葱酱，味道浓郁，加上橄榄油同埋鳀鱼去提鲜，增加咸香层次。
Haricots verts sautes
开胃前菜，法边豆沙律，以法边豆为主角，翠绿爽口，搭配生蘑菇、洋葱碎，果仁等，配上红葱头醋汁，味道微酸，越食越开胃，好有清新嘅田园感。
Ceviche de la peche du jour
菜式卖相精致，是日Ceviche系八爪鱼他他，用料新鲜，配以花瓣及Popcorn作为点缀，八爪鱼切成粒粒形状，用柠汁腌制过，再以多种辣椒调味，味道酸酸辣辣，八爪鱼带有浓郁嘅海水味，可再加入柠檬汁去提鲜。
Souris d'Agneau et legumes rotis
慢煮羊腿，一上枱已经闻到好大阵烟熏味，香气扑鼻而来。羊腿经过慢煮烹调，羊腿炖煮到拎起就脱骨，肉质软腍，入口即溶，胶原蛋白丰富，调味咸中带有浓厚烟熏味，由于慢煮嘅关系，所以羊骚味唔重。另外配搭蔬菜同埋香料慢煮，提鲜同埋增加口感。
Profiteroles
法式传统甜点泡芙，外表酥脆，表面淋上朱古力酱，邪恶又滋味，内有甜美奶油软馅，同埋云呢拿味雪糕，成个泡芙都充满香滑软腻嘅口感。
French bread
一坐低店员会送上一篮法式面包，面包外脆内软，搭配黑松露牛油，松露香味浓郁，好吸引。
张贴
