近期冇得去旅行 心掛掛日本🥺
唯有係屋企睇下日本動作片（我講緊動漫咋😏）
睇完之後更加心痕痕 好想去日本食拉麵🍜😍
今次朋友介紹左一間係元朗嘅隱世拉麵啲
當然即刻沖去食啦🤩
離遠望到間店嘅門口
已經望到佢地嘅裝潢將日本🇯🇵嘅風味原汁原味地還原🥰
店入面都係採用常見嘅吧枱設計
10個位左右 都唔會好逼
店員都好親切
客人可以安心享用熱辣辣嘅拉麵😚
——————————————————————
〖日式餃子🥟〗
唔知大家鐘唔鐘意食日式餃子呢
我自己就好鐘意 經常係屋企一個人食12隻🙊
今次依間拉麵店嘅餃子都煎得好香
皮方面唔會太厚 咬落去更易入口
而且啖啖肉汁🤤🤤
加埋豉油 好香口 🤩
不過我個人覺得可以再整熱啲，咁食落去會更惹味👍👍
〖鹽雞白湯拉面🍜〗
我有時覺得好多拉麵店的湯底都係差不多味道🙈
不過依一間拉麵嘅湯底真係比到驚喜😍😍
一飲落去 好濃香嘅雞味 而且個渴鮮甜嫁！
絕對唔係味精味👏👏
至於另一驚喜位就係拉麵上的雞肉啦🐣
今次唔係傳統嘅叉燒或者豬軟骨
而係雞胸同雞脾肉（練大隻嘅人心心眼😍）
雞胸完全唔怕鞋
反而食得出口感好滑
加埋湯底 超入味
值得推介🥳🥳
〖海老味噌 沾麵🦐〗
單純一碗湯麵已經滿足唔到我地😂
試埋另一種食法～沾麵
個汁好濃味
你味覺上享受緊之外，嗅覺上都有勁香嘅海老味撲鼻而來
絕對係沾麵愛好者必試之選😚
☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎☀︎︎
