影片
更多
2023-04-14
441 浏览
【🇫🇷世界級法式之味】與剛從英國返港嘅叔叔晚餐，叔叔周遊列國，食盡各國美食，我今晚揀咗法國菜同佢聚吓舊。簡簡單單點了個Set Dinner🗼鯷魚沙律鯷魚，又稱鳳尾魚，江魚仔。除了中國人愛曬鹹魚外，其實意大利人都會在家用鹽水或橄欖油去在家醃製鯷魚，攪碎用嚟做醬汁很常見。今次係沙律度見到鯷魚，配上新鮮柚子、車厘茄及沙律菜，再輕輕淋上欖油、檸檬汁等，鹹鹹酸酸甜甜，絕對打開咗個胃啦！🗼蘑菇湯（上）及龍蝦湯（下）忌廉蘑菇湯係法國很普遍嘅湯，廚師將蘑菇切得好碎好幼細，材料豐厚，點麵包飲入口好好味。龍蝦湯令我們想起法式濃湯Bisque, 今次嘅龍蝦湯味道適中，不太咸飲用又唔苦，實屬難得👍🏻兩碟湯均有放上食用花，廚師都幾肯花心思，靚之餘又可以食埋。🗼麵包上枱時三款麵包都熱辣辣，附上咁普通膠盒仔牛油，我最欣賞有芝麻粒粒的，層次同味道都好唔同，不過又真係三個包都好好食。🗼香煎三文魚柳配檸檬時蘿牛油汁及薯蓉廚師很細心，三文魚頭煎到8成熟，外脆內軟，再以新鮮薯蓉及青瓜粒襯底，檸檬時蘿牛油汁只在碟邊，我點咗少少，都係比較喜歡原味。🗼阿根廷21日熟成西冷牛扒配墨西哥醬「熟成」技術成功令牛扒更肉質嫩滑、牛味更濃、更
與剛從英國返港嘅叔叔晚餐，叔叔周遊列國，食盡各國美食，我今晚揀咗法國菜同佢聚吓舊。
簡簡單單點了個Set Dinner
🗼鯷魚沙律
鯷魚，又稱鳳尾魚，江魚仔。除了中國人愛曬鹹魚外，其實意大利人都會在家用鹽水或橄欖油去在家醃製鯷魚，攪碎用嚟做醬汁很常見。
今次係沙律度見到鯷魚，配上新鮮柚子、車厘茄及沙律菜，再輕輕淋上欖油、檸檬汁等，鹹鹹酸酸甜甜，絕對打開咗個胃啦！
🗼蘑菇湯（上）及龍蝦湯（下）
忌廉蘑菇湯係法國很普遍嘅湯，廚師將蘑菇切得好碎好幼細，材料豐厚，點麵包飲入口好好味。
龍蝦湯令我們想起法式濃湯Bisque, 今次嘅龍蝦湯味道適中，不太咸飲用又唔苦，實屬難得👍🏻
兩碟湯均有放上食用花，廚師都幾肯花心思，靚之餘又可以食埋。
🗼麵包
上枱時三款麵包都熱辣辣，附上咁普通膠盒仔牛油，我最欣賞有芝麻粒粒的，層次同味道都好唔同，不過又真係三個包都好好食。
🗼香煎三文魚柳配檸檬時蘿牛油汁及薯蓉
廚師很細心，三文魚頭煎到8成熟，外脆內軟，再以新鮮薯蓉及青瓜粒襯底，檸檬時蘿牛油汁只在碟邊，我點咗少少，都係比較喜歡原味。
🗼阿根廷21日熟成西冷牛扒配墨西哥醬
「熟成」技術成功令牛扒更肉質嫩滑、牛味更濃、更能鎖住肉汁。牛扒上蓋墨西哥醬，青椒、蒜蓉等，吊出牛味更突出。
伴碟是羅馬椰菜花配薯餅，看出餐廳材料講究有誠意，薯餅能食到片片薯仔，口感和味道都非常之好。
🗼馬卡龍配芒果熱情果蛋糕
我欣賞馬卡龍抹茶味，脆脆感覺手咬開有綠茶cream,入口香甜杏仁味。
熱情果蛋糕點埋碟上黃色果醬食
🗼熱咖啡
美味晚餐由一杯香滑咖啡作結尾，叔叔很滿意今餐。
张贴
