影片
更多
2021-11-21
59 浏览
作為唔排隊嘅人，平時都會刻意避開啲打卡熱點，上星期去到深水埗諗住求其揀間，路過近期老是常出現嘅 @buff ，竟然無排長龍就試一試佢 ☺️無印風裝潢以木系 × 藤椅 × 紙皮石為主 🪵 落地玻璃光線充足，配上綠植點綴感覺明朗 🌤店內空間感十足，Common Area 好寬敞，反而桌椅之間擺得比較窄，係出入會撞到人嘅程度。收銀處設於吧檯，隔籬零零丁丁貼住兩個座位，人哋食緊嘢係咁有陌生人講嘢畀錢，其實都幾尷尬同疫情期間好似唔多衞生😳陳設未算最理想但店員服務搭夠，角落有個自成一角嘅位置頗為私密，店員哥哥都好有禮貌，好積極幫我哋調位 🥰‣ 南瓜忌廉汁蟹肉螺絲粉｜$𝟵𝟴醬汁帶有南瓜嘅香甜，但忌廉較杰身，影幾分鐘相已經瓊咗，啖啖有蟹肉但都幾漏，兩個人 Share 都食剩少少 🤏🏽‣ 煙三文魚牛油果酸種麵包｜$𝟲𝟴用上大半個牛油果同 3 片煙三文魚，用料大方價錢又合理 ( 而家啲 Café 收費愈嚟愈大膽，大家明啦 🤣 )，見到 Sourdough 佈滿氣孔就知係一片好包 🍞 外皮富嚼勁、內裡蓬鬆富麥香，美中不足之處係牛油果欠缺調味，加返少少鹽同黑胡椒會更好 🥑‣ 雙色薯條配牧場沙律醬｜$𝟱𝟴番薯條外
無印風裝潢以木系 × 藤椅 × 紙皮石為主 🪵 落地玻璃光線充足，配上綠植點綴感覺明朗 🌤
店內空間感十足，Common Area 好寬敞，反而桌椅之間擺得比較窄，係出入會撞到人嘅程度。收銀處設於吧檯，隔籬零零丁丁貼住兩個座位，人哋食緊嘢係咁有陌生人講嘢畀錢，其實都幾尷尬同疫情期間好似唔多衞生😳
陳設未算最理想但店員服務搭夠，角落有個自成一角嘅位置頗為私密，店員哥哥都好有禮貌，好積極幫我哋調位 🥰
‣ 南瓜忌廉汁蟹肉螺絲粉｜$𝟵𝟴
醬汁帶有南瓜嘅香甜，但忌廉較杰身，影幾分鐘相已經瓊咗，啖啖有蟹肉但都幾漏，兩個人 Share 都食剩少少 🤏🏽
‣ 煙三文魚牛油果酸種麵包｜$𝟲𝟴
用上大半個牛油果同 3 片煙三文魚，用料大方價錢又合理 ( 而家啲 Café 收費愈嚟愈大膽，大家明啦 🤣 )，見到 Sourdough 佈滿氣孔就知係一片好包 🍞 外皮富嚼勁、內裡蓬鬆富麥香，美中不足之處係牛油果欠缺調味，加返少少鹽同黑胡椒會更好 🥑
‣ 雙色薯條配牧場沙律醬｜$𝟱𝟴
番薯條外脆內軟好好食，但普通薯條仲係白雪雪明顯火候不足，要讚嘅係個醬酸咪咪有啲似乳酪，同薯條夾埋幾解膩 🍟
作為一間咖啡店，嘢飲價錢較高而且相對遜色，Dirty ($𝟰𝟲) 一上檯已經無咗分層 😗 菜單上融入船麵、蝦餅等泰國風味，但今次無試到，食物味道中規中矩，勝在無限時，悠悠閒閒傾足兩小時都幾舒服，Café Hopping 本該如此 🌿
张贴
