黑木亭-お食事処 (玉成大廈) (已結業)

元朗多嘢食就無需多講，日本菜都多到總有一間喺左近，同事介紹依間日本菜幾抵食就去試試。「週末放鬆二人餐」 $398，套餐已包刺身+卷物，另可選二款定食和果汁～餐廳外有定食、壽司、刺身售買，見到都幾多人買定食有14款不同種類揀選，有壽司、丼飯、拉麵、壽喜燒、定食、鍋物、陶板燒，可按個人喜好選擇。最後揀咗灸燒四合丼及泡菜豆腐豚肉鍋配日本珍珠米三點刺身盛(三文魚二切，油甘魚二切，八爪魚二切)套餐已包指定刺身，魚生新鮮，肥美厚切，八爪魚好彈牙，性價比高！鰻魚牛蒡炸蝦卷另一套餐包括指定卷物，燒香鰻魚鋪面，咬開好香魚油味，第一次食牛蒡原來咁脆！加上炸蝦果種脆口感好特別，好值得試！泡菜豆腐豚肉鍋配日本珍珠米感覺最回本嘅係鍋物，平時食都要成舊水鍋，除回本之外，泡菜豆腐都係我鍾意食，湯底辣辣地送飯食一流，豚肉佔咗半鍋，豆腐、椰菜、金菇等都擺到滿一滿，唔驚食唔飽灸燒四合丼一向麻麻地食魚嘅我今次居然大讚！燒香左口魚油香四溢，如果唔係個鍋食到飽飽要嗌多幾碟食，真係超回味！其他三款火灸種類分別係三文魚、蟹柳、鰻魚，每樣都燒到好香口，加埋醬汁食好惹味，順帶一題，丼飯份量好多，發覺依到嘅份量都偏多，2位男士食都夠飽！