文苑飯莊

营业中

休息中

狮子山下，完全估唔到喺天马苑呢度新开一间粤菜餐厅。想揾个地方一班人有个靓靓角落、舒服地方食个饭，同屋企人朋友好去处，我推介呢度片皮鸭皮脆，夹埋佢桂花、蒜泥同其他配料，无论包住食定就咁沾酱食，都好好食（我哋二食拣咗椒香爆脆鸭件，就咁食就一般，比较啱送酒）远年陈皮一口脆腩，个层腩脂劲肥美，包得够哂实，食落就知有几juicy陈皮榄角脆鳝球，呢个非常好食，第一下上碟你感受到佢油力无少到俾你，回锅酱汁亦沾得好均匀，食到最尾陈皮香浮出嚟，正虾籽慢煮柚皮，柚皮整得好食唔容易，绝对系功夫菜之一，完全唔苦，非常柔绵，汤汁够鲜都非常夹焦糖菠萝咕噜五花腩，大赞焦糖菠萝其他点咗嘅仲有蟹酱蟹肉双菇炆伊面，双重爆鲜味。姜汁炒芥兰，界得好仔细，微姜，唔会好辣。甜品方面全部唔算甜，糕点类全部都系佢哋自家制。我哋各有各喜欢嘅，云石马豆糕、担仔砵仔糕、怀旧芝麻卷同埋红豆沙。开业个几月，入到嚟楼底好高，枱与枱之间一啲都唔逼，有房可以book。中菜最正就系三五知己、一大班围炉取暖，咩都倾一餐！餐厅提供晚市代客泊车服务，记得先预约车位。