胡爐 (已結業)

平時打邊爐成日都食麻辣火鍋，今次要食返啲養顏又保暖嘅滋補鍋😋今次叫咗胡椒豬肚花膠雞鍋🍲，花膠同雞喺另外用碟上，仲有一碗磨好咗嘅胡椒，等湯大滾後，將所有材料倒入湯底。花膠超大塊，充滿啖啖嘅骨膠原😍雞肉都好嫩滑，胡椒味愈煲愈出。🔸胡爐牛拼盤 (牛舌芯、安格斯手切肥牛、極上手切牛頸脊、牛胸爽、霜降牛粒）👅牛舌芯好爽口，霜降牛粒肉質鮮甜軟腍，極上手切牛頸脊肉質煙韌。🔸日式和風蕃茄沙律 個醬料酸酸地，好解膩，味道好清新，好食😋🔸丸類拼盤叫咗皇帝柱貝墨魚丸、黑松露墨魚丸、芝心墨魚丸、芝心蝦丸。啲丸全部都好新鮮彈牙，而且味道都好特別同好多款式。🔸餃類拼盤叫咗黑松露蟹肉餃、手工雲吞、自家制韮菜餃 同手工魚皮餃。整體嚟講火鍋湯底個花膠雞幾出色，佢仲有好多湯底好似火焰龍蝦海鮮鍋、招牌鮮椰青雞鍋、潮汕沙嗲鍋都好吸引，下次想試埋!