✨ 香酥軟枕 $75 🥟
睇個名已經畀佢吸引住☺️，嚟到原來係一款素鵝，外皮酥脆，加上一個酸酸地嘅醬汁，非常開胃😊。
1
✨ 四川紅燒肉 $195 🍖🌶️
紅燒肉肥而不膩，滷汁非常入味，帶有濃郁花椒香味，花椒配紅燒肉真係好特別🤪🤪，出面未試過，嚟到呢度一定要點返一份試下🤤。
✨ 黃金香脆軟殼蟹 $240 🦀
軟殼蟹炸得好酥脆🤤，再加上勁厚嘅一層鹹蛋黃醬，勁嘢味，另外每一啖都食到佢蟹嘅鮮味🦀，然後份量又非常多，一度cp值勁好嘅菜。
✨ 糖醋桂花魚 $250 🐟🍯
糖醋魚嚟到嘅時候已經覺得好靚🤤🤤，五顏六色，睇到都好開胃，糖醋桂花魚甜中帶酸，魚肉鮮嫩多汁，非常出色嘅手工菜👍👍。
✨ 松露瑤柱蛋白炒飯 $135 🍚
呢個炒飯一嚟到個松露香味已經好濃🤤，佢炒到啲飯粒粒分明，加上瑤柱嘅煙韌，口感非常好，食落松露美好香加上瑤柱嘅鮮味，絕對係高分嘅炒飯🤗🤗。
✨抹茶豆沙鍋餅 🍵$70
鍋餅外酥內軟，鍋餅重疊住抹茶口味嘅餅皮，口感豐富，抹茶嘅微苦味配搭豆沙嘅甜味 , 層次感十足🥰🥰。
✨ 黑糖糍粑 🍘🍯 $ 70
黑糖糍粑口感Q彈😍，糯米配合黃金嘅外層脆皮，食起嚟外焦內軟，黃豆粉同埋黑糖醬汁 , 令到口感豐富嘅糍粑更上一層樓 🤩.
本身貪佢環境同埋裝修好有特色所以入去🥳🥳，點知食完真係好有驚喜😘，佢每一道菜都唔求其，認真咁去品嚐總有驚喜😋，喺出面嘅川菜館好難搵到😝😝。無論情侶約會定係家庭聚餐，都係一個好好嘅選擇😎😎。
