韓屋

营业中

休息中

❤️今次推介嘅都算係本人香港比較鍾意嘅韓國餐廳之一，佢同一般韓食餐館唔同，本餐牌唔會十吋厚，其實就主打三個項目，分別係韓式湯飯，拌飯同埋韓國餃子😃之前就食過湯飯同餃，今次試埋拌飯都十分滿意🤤❤️炒豬肉芝士拌飯 $128 - 其實本身一向都唔太鍾意食韓式拌飯，因為好似啲餸嘅配搭怪怪的，又愈食愈乾咁🤣但呢度嘅拌飯真係好高質😎加咗拉絲芝士提升咗口感，同埋唔會食到好乾，而豬肉份量又多又夾，整體水準十分高🤤❤️特大餃子煎餅 $78 - 喺呢度都試過唔同餃，而呢款特別想推介！整到似煎餅咁，其實咬開都係包咗餡料嘅大隻餃，口感煙韌彈牙，好食呀💪🏻❤️煎牛小排餃 $78 - 牛肉餡料滿滿，咬開熱辣辣，十分高質