影片
更多
2023-08-29
14 浏览
上星期食完川菜今個星期又想食，今次選擇咗呢間銅鑼灣嘅川菜，當時第一下就已經比openrice個icon吸引住，即場去到既時候個環境都確實好唔錯，有少少古典優雅嘅感覺仲另設包廂。———————————————🌟 酸菜桂花魚 $388 平時出面嘅酸菜魚都係用普通魚片為主，但呢度就用比較高級嘅桂花魚作為煮食，魚肉份量都多而且佢調味唔會好重，雖然都有酸辣嘅味但主要係個湯底帶出，所以魚肉基本上都可以直接食到果陣鮮味。.🌟蔥爆羊肉 $158一上台已經聞到好香，羊肉比較碎但份量多，羊味好出有種惹味嘅感覺，京蔥個味真都好好食，全部感覺都好嫩，最後肉同蔥都比我清曬😆.🌟香菇四川臘腸炒飯 $128臘肉嘅香味好出令到每啖飯都非常香口，加上佢果種咸味同口感令成個炒飯都更有層次。飯粒本身都炒得好乾身，份量大約都有4-5碗，推薦大家主食可以簡呢個。.🌟椰子雞湯 $68呢個湯好有驚喜，個人覺得真係好好飲，椰子香味非常出用料都足，每啖入口都有椰香同鮮甜嘅味。另外入面仲有椰子肉同雞件，而且份量都唔錯，建議大家可以叫一個share飲～.🌟川辣海鮮酸辣湯 $68海鮮材料切得比較細粒唔太明顯，但味道上唔錯，我幾鍾意嘅一個位
———————————————
🌟 酸菜桂花魚 $388
平時出面嘅酸菜魚都係用普通魚片為主，但呢度就用比較高級嘅桂花魚作為煮食，魚肉份量都多而且佢調味唔會好重，雖然都有酸辣嘅味但主要係個湯底帶出，所以魚肉基本上都可以直接食到果陣鮮味。
.
🌟蔥爆羊肉 $158
一上台已經聞到好香，羊肉比較碎但份量多，羊味好出有種惹味嘅感覺，京蔥個味真都好好食，全部感覺都好嫩，最後肉同蔥都比我清曬😆
.
🌟香菇四川臘腸炒飯 $128
臘肉嘅香味好出令到每啖飯都非常香口，加上佢果種咸味同口感令成個炒飯都更有層次。飯粒本身都炒得好乾身，份量大約都有4-5碗，推薦大家主食可以簡呢個。
.
🌟椰子雞湯 $68
呢個湯好有驚喜，個人覺得真係好好飲，椰子香味非常出用料都足，每啖入口都有椰香同鮮甜嘅味。另外入面仲有椰子肉同雞件，而且份量都唔錯，建議大家可以叫一個share飲～
.
🌟川辣海鮮酸辣湯 $68
海鮮材料切得比較細粒唔太明顯，但味道上唔錯，我幾鍾意嘅一個位係佢唔會好濃味，而且超多配料，每啖入口都好似食緊野多過飲緊湯。但提提大家個辣度都算高，唔食辣嘅朋友仔可能就唔太適合😛
.
🌟酸梅湯 $48
呢個酸梅湯真係超級抵，佢直接俾咗一渣我，而且仲另有兩杯冰，飲落又冰又酸酸甜甜真係好正😍
.
🔸整體評價🔸
環境唔錯坐得都好舒適，服務方面都到位。餐廳營業時間去到11半，大家晏食都可以考慮呢間🙆🏻♀️
张贴
