星巴克咖啡 (已結業)

這陣子要處理的事太多，係忙到自己嘅步伐都捉唔到，有啲疲累感。黎到金鐘處理一啲文件，想搵個地方休息一下，慢落黎，知道呢邊有間starbucks，就去啦。原來呢間都係R系列，話說我係上海都有幫襯過，係好有格調嘅系列，價錢係相對上貴小小。落地大玻璃嘅設計，連門同成間裝修都好似，一度迷失唔知點行入去。夏天真係幾難坐出邊，都係留係店內。鋪頭呢個位有小小窄，兩個人行要小小就位。平日嘅三點都唔少人坐係度，有報紙可以睇。樓底非常高，係無壓力。叫咗杯matcha latte，好耐無飲咖啡以外嘅飲品。一樣都係幾甜下，不過偶然一次無所謂啦，坐係度一陣就走啦。