二兄車麵館 (已結業)

【車仔麵🍜與臘味飯🍚之間】又到咗食飯大決鬥，一個想食車仔麵，一個又話想食飯，而我就兩樣都想食……. 今次又搵到大圍，發現一間解決晒3個煩惱嘅好地方💕💕【招牌車仔麵】味濃，啲汁好惹味，魚蛋、豬紅、豬皮、蘿蔔，全部都份外入味。【籠仔蒸臘味四寶飯】一人份量，但出奇地大份！連埋個麵，我們2人都食唔晒！臘腸、潤腸、臘鴨、臘肉，仲有芋頭粒粒，加埋嚟蒸真係好好食，暖肚又暖身，又無煲仔飯咁熱氣，籠仔蒸飯無我今年主打。飲品我點了熱檸水，消消飽滯感覺。好食，下次可以再嚟！