田記魚蛋牛腩專門店 (塘尾道)

营业中

休息中

今時今日食下粉麵都要四五十蚊，仲要好多都唔好食～但今次食到間平靚正好推介！呢間粉麵店普通食碗麵$28有交易真係平民救星！而我今次食咗特別啲嘅選擇但都物超所值～崩沙腩河($42)真係靚料，牛味十足又夠肥美，陣陣肉香，爽口彈牙，高質到一個點！牛三寶河($42)有牛筋牛肚牛腩，穩打穩扎～而最高質要講我散叫淨魚三寶($31)，佢係真係百份百魚肉日日新鮮打出嚟嘅魚蛋，魚片頭，同魚皮餃，一般魚蛋麵根本無得同佢比，魚味超鮮甜，加埋150%嘅彈牙程度，好正！另外就係炸魚皮($18)應該都係自家製，比起市面上嘅魚味再香小小～同埋幾鍾意佢加$6有野飲～因為好多粉麵店飲品係要用單點價。