定食8 (已結業)

【超抵食日式定食 吉列牛排喜岀望外】星期六夜晚同朋友係屯市諗食咩好，朋友介紹定食8，我聽過依間餐廳好多次但無試過，就趁今次試下啦！去到等左5分鐘就有位，入面啲座位比較窄，如果拎住太多野就唔太方便。我叫左個和洋風咖哩吉列牛扒定食($58)，一上枱就睇得岀賣相唔錯，依個價錢已經包左豆腐味噌湯，沙律同主食。 吉列牛扒味道比想像中好，炸到七成熟但唔會好韌，都仲食到有牛味。如果怕膩，可以加埋鮮擠青檸汁，中和番又可以增加清爽嘅感覺！咖哩飯係傳統日式咖哩飯嘅味道，完全唔辣並且帶甜味，配埋半隻溏心蛋，簡直一流！唯一美中不足係得一舊薯仔，如果有埋紅蘿蔔就好喇！配埋沙律同埋個湯，真係超滿足，女仔食實飽。同朋友share蔬菜天婦羅 ($18), 咁嘅價錢有6件真係超抵，size仲要唔細，分別各有兩件茄子，秋葵同冬菇。炸粉夠薄，加埋天婦羅汁岩岩好！整體黎講，叫嘅野食都好抵，好味而且份量唔細，值得再黎！