八月堂 (已結業)

台灣超人氣牛角包店八月堂登場，選址係太古城康山AEON。一朝早11點幾去，排咗20分左右。雖然各款可頌 (牛角包) 會不斷分批出爐，但要食心儀口味可能要睇運氣，所以今次都係隨意揀咗6款試下…🥐紙盒最頂嘅原味「蜂巢可頌」 ，聞說銷量第一，當然要試！切開如其名，真係成個蜂巢咁。🥐左邊黑色嘅「曜黑胡麻」，同埋右面滿滿砂糖嘅「迷戀卡士達」 ，官方建議兩個鐘內品嘗，相信係同澎湃嘅流心效果有關。🥐至於最底「朱古力可頌」，用朱古力麵糰做嘅牛角包，裏面仲有奶油同朱古力醬，朱古力控必食！