光榮米線 (已結業)

【觀塘區】【光榮米線】著名顏色店光榮冰室開咗條新嘅副線係做埋米線嘅，叫「光榮米線」。作為一個扮嘢嘅 foodie，梗係要去食吓嘢打個咭，唔使忘本唔使上差館，一樣可以攪到自己好似好型咁。一開始試業當日我已經去食，就算要鬥勇我都贏。不過我當時其實唔太肚餓，食咗碗 $56 嘅「過橋米線」，有米線、芽菜、酸菜、韮菜、肉碎、蟹柳、腐竹、火腿、紅腸。估唔到味道又唔錯，唔似係新手製作，可惜我唔餓，只係飲埋 $8 嘅「凍檸茶」走甜，夾埋 $64 走人。咁樣寫唔到嘢嘅，所以之後有機會都夾咗道歉哥嚟食，佢食咗個 $58 嘅「金牌米線」，有米線、芽菜、酸菜、韮菜、肉碎、辣腩肉、雞絲、雞翼、火腿，佢都話有驚喜，佢食多份 $34 嘅下午茶「芝腿西多餐」飲「凍奶茶」添。我自己就食 $35 嘅下午茶「生炸大雞髀」配「薯角」飲「凍奶茶」，隻髀係有少少失望嘅，不過我對髀嘅要求係高，杯嘢飲就都係正常茶記味道。雖然唔餓但都叫咗碗 $45 嘅「淨韮菜雲呑」，有八粒，都係幾好食嘅嘢嚟。夾埋食咗 $172，連收嘢嘅阿姐都忍唔住調侃我哋話我哋食咗好多嘢，其實主要想食多啲睇吓個樣係點。估唔到光榮做米線又做得幾唔錯，唔怪得第一日去嘅時