The Artlab by Favilla (已結業)

喺觀塘搵食都有一定嘅難度，又要好食，仲要抵食，難上加難。終於試到呢間，上次無book位，今次點都book定。店小小，比我想像中多嘢食可以揀。飲品方面都係，咖啡非咖啡類算係多。店內裝潢好似置身係一個花園裡面，可以買乾花，見到有插花班可上。同事叫嘅呢個係明太子雞翼定食，$98，配飯，仲有一碗湯。明太子呢個係辣嘅，要留意番。慢煮牛定食，$108，同事話個牛好食，夠哂淋。我叫嘅係日式滑蛋咖喱牛肉定食，$78，蛋如其名，真係好滑，而且好好食，咖喱唔會太辣，夠哂香。牛肉係一定要推薦，係超級好食，入口即溶，吸咗個汁，呢個係我暫時食過最好食嘅咖喱定食。餐配嘅湯同沙律又係正，沙律係打溶咗薯仔，加上芝士，好香口。點咗我最愛嘅肥威，超滿足，好好飲，咖啡味出。同事點嘅piccolo latte，成個presentation好靚，上枱個刻大家都嘩。