珠記冰室

我絕對唔可以只食西餐，茶記一樣愛，一樣要中餐（偶然都想像下我係外國生活會點）。

午餐用甲乙丙丁，講埋湯俾你知係咩。

間鋪都大，我坐呢邊似另外租，明顯要邊裝修好唔一樣。

有啲餐都幾特別，見到隔離枱全部都係撈丁，撈丁絕對有市場。

朋友叫麻婆豆腐，佢一睇就睇中呢個，隻碟好靚，佢話唔錯，都幾香，都幾夠料。

我又係沙嗲牛，真係戒唔到。唔錯，正常，牛都算多，腸仔係有煎過，所以夠香。

炒蛋ok，多士正常，我叫左奶茶，都幾香。

服務算唔錯，都會介紹下有咩好推介。