家樂茶餐廳

营业中

休息中

做完嘢未食lunch，去咗呢間tea一tea佢。唔好睇少呢間樓上店，即使係下午茶時段都有唔少人幫襯。我早餐仲未落格，一時諗唔到食乜，其他都已經揀炸雞脾、西多雞翼，我睇睇下餐牌，見到有蘿白榚，就呢樣！無令我失望，即整，好熱口，佢唔多粉，都係蘿白絲，點佢個辣醬好正，成件再提升多8度。不過真係要趁熱，耐咗啲油出左嚟，無咁好食。同事叫左腸仔薯條豬扒包，上枱我地忍唔住嘩然，真係好大份，都係26元！薯條仲要係粗薯，炸得好脆！紅豆冰就麻麻啦，淡奶份量稀左啲，扣小小分。下午茶可以點早餐，都係加2元。