IF Coffee and More (已結業)

係海濱道越黎越多餐廳都開咗，趁天氣未係好熱，行遠小小食個飯先。呢間開左兩個月，某一日行過見到落地玻璃幾開揚，就黎試下啦。依家lunch set有兩款，亦有多款咖啡可以揀。黑板變化多，想改就改長方形嘅鋪位，一半已經被廚房估去，多啲位係吧枱或近窗一排，幾個人嘅就門口或近廁所呢個位啦。北海道帶子伴鱈魚籽忌廉稻庭烏冬，78元，本身有杯味噌湯，另加錢有杯咖啡。個汁有啲過多，令到個烏冬有啲水，但係keep到温度嘅。味道朋友話唔錯。天然蜂蜜烤雞伴蕃茄意粉，個雞係煎得唔錯，而且雞係滑，幾juicy，不過真係細塊左小小。意粉個汁有啲淡，蕃茄同芝士可以撈得均匀啲。最後再來一杯咖啡，呢杯咖啡真係好大杯。我都係肥威，味道尚可。食物份量就少左啲。不得不提餐廳有提供叉電位，呢個位要讚下。