The Stadium (已結業)

九龍東朋友終於約到啦！上次我食過lumch，今次試埋晚飯。呢間夠大，平日夜晚唔駛book位都一定有位。觀塘區餐廳普遍都收得早，通常9點幾10點就last order。呢間收12，last order 10點半（好似咁上下，同朋友傾計，無留意時間）。食物方面，白汁系列偏淡味，我地叫左set dinner嘅白汁扁意粉，材料都算夠味，而白酒煮蜆，蜆無沙，佢白酒個酒唔夠濃，酒味仲差小小。要大讚嘅係黑松露薯條，佢個醬好正，我同我朋友狂食，無停過。而漢堡包就同下午lunch似，都ok。三個人食四碟都係200元有找，無叫酒，同區嘅餐廳嚟已經算平。