Coti (鴻圖道)

营业中

休息中

知道有呢間小店新開咗一段時間，想試好耐。打親電話都book唔到，都無阻我想試新嘢嘅決心。如果你都想食，真心要行得快啲。當然唔好諗住多過4個人黎，應該要等好耐，因為座位都係得20我個內。裝修以木系為主，店內播住一啲較柔和嘅音樂，旁邊高椅嘅位置有電制，都有一兩個顧客開電腦做嘢。（以上餐牌只供參考，因店長係我地幫襯個日話次日會換menu）再次挑戰all day breakfast ，係好抵食，加3元有個好大舊好好味嘅牛角包。雞扒雖然唔係好大塊，但係煎得好好味，夠哂淋。煙肉係我難得覺得唔錯，煎得好可口，唔會話好油。炒蛋好滑，雜菇亦飛水飛得夠，60元唔駛有個唔錯嘅all day係好ok！另一款all day，多士烘得幾好，朋友滿意。任何一款咖啡都係另加15元就有，我飲嘅係rose latte，平時15元咖啡唔會咁大杯。店長話佢地嘅咖啡評級係好高分，我覺得杯咖啡奶味多啲，有件一口蛋糕再送埋咖啡，食完叉電再黎過。如果係lunch hour 店員未必應付到咁多客人，要諗諗計啦。