亞金南洋茶室 (Two Harbour Square) (已結業)

之前一直見到佢裝修，都想知係咩餐廳，終於揭曉。排隊都要一陣子，呢度係無瓦遮頭，如果要排隊，都真係唔方唔「金」啦。你諗得到嘅佢都有，仲有小食，飲品仲好正。環境都幾唔錯，啲裝修同風扇都好特別，食個陣又唔會話太熱。肉骨茶，65元，朋友話好味，夠哂入味。叻沙，65元，唔會辣，食落開胃，料都算係足。我就叫咗無骨海南雞配叻沙，69元，雞係超滑嫩，呢個真心抵食，叻沙份量都好多，一定夠飽。熱奶茶，普通咗小小，仲諗住奶會多啲。檸檬薏米水，朋友話飲完係爽。