影片
更多
2022-10-04
177 浏览
👩🏻❤️👨🏻：⭐️⭐️⭐️⭐️⭐️秋風起，除咗食蛇，最好當然係食羊肉煲。今晚👰🏻♀️🤵🏻♂️就嚟到西環水街呢間小店，慕名嚟食新鮮羊肉羊肚煲。店名叫做大街小巷美食館，真係冇改錯名，喺而家高級餐廳林立嘅西環，有一間地道小店真係好緊要。點解叫做「好雙乳」？賣個關子，最後講！👩🏻❤️👨🏻 任食新鮮羊肉羊肚煲 $298/位冇錯！你冇睇錯！一位$298任食喺今時今日嘅香港真係唔係好多地方有。當然，最貴嘅新鮮羊肉同埋羊肚唔係任食，不過都非常足料，睇圖就知道！其他所有配料包括🤵🏻♂️最愛嘅肥牛都係任食！👩🏻❤️👨🏻 新鮮羊肉羊肚識食嘅人都知道，新鮮肉同冰鮮雪藏真係冇得比。呢度嘅羊肉羊肚肉味極香，並不是一般酒樓用雪藏羊腩煲可以媲美。羊肚食落唔肥膩，羊皮爽口，完全冇臊味。羊肉羊肚非常足料，上枱好似座山咁，夾極都仲有，其實食完已經有飽意，不過其他邊爐配料都好吸引，所以都係忍唔住繼續食。老闆亮哥話羊肉羊肚係每日新鮮運到香港，保證高質，所以每日供應有限，一定要預約先有得食。順帶一提，亮哥有超過30年大廚經驗，做過大集團主廚，為咗繼續研發美食，自立門戶。👩🏻❤️👨🏻獨門湯底亮哥其中一樣努力研發嘅就係個湯底。當然佢冇
13 浏览
0 赞好
0 留言
秋風起，除咗食蛇，最好當然係食羊肉煲。今晚👰🏻♀️🤵🏻♂️就嚟到西環水街呢間小店，慕名嚟食新鮮羊肉羊肚煲。店名叫做大街小巷美食館，真係冇改錯名，喺而家高級餐廳林立嘅西環，有一間地道小店真係好緊要。
點解叫做「好雙乳」？賣個關子，最後講！
👩🏻❤️👨🏻 任食新鮮羊肉羊肚煲 $298/位
羊肉羊肚煲
$298
5 浏览
0 赞好
0 留言
冇錯！你冇睇錯！一位$298任食喺今時今日嘅香港真係唔係好多地方有。當然，最貴嘅新鮮羊肉同埋羊肚唔係任食，不過都非常足料，睇圖就知道！其他所有配料包括🤵🏻♂️最愛嘅肥牛都係任食！
👩🏻❤️👨🏻 新鮮羊肉羊肚
新鮮羊肉羊肚
27 浏览
0 赞好
0 留言
識食嘅人都知道，新鮮肉同冰鮮雪藏真係冇得比。呢度嘅羊肉羊肚肉味極香，並不是一般酒樓用雪藏羊腩煲可以媲美。羊肚食落唔肥膩，羊皮爽口，完全冇臊味。羊肉羊肚非常足料，上枱好似座山咁，夾極都仲有，其實食完已經有飽意，不過其他邊爐配料都好吸引，所以都係忍唔住繼續食。
老闆亮哥話羊肉羊肚係每日新鮮運到香港，保證高質，所以每日供應有限，一定要預約先有得食。順帶一提，亮哥有超過30年大廚經驗，做過大集團主廚，為咗繼續研發美食，自立門戶。
👩🏻❤️👨🏻獨門湯底
羊肉羊肚煲
$298
8 浏览
0 赞好
0 留言
亮哥其中一樣努力研發嘅就係個湯底。當然佢冇講晒所有材料，但食落一定知道係用豬骨或者羊骨做底，加上不同香料配料長時間熬製，濃郁惹味，就算淨係淥生菜都好味到爆！
食完羊肉羊肚之後，可以叫其他配料打邊爐，抵食之上更抵食！
👩🏻❤️👨🏻 三角肥牛
三角肥牛
11 浏览
0 赞好
0 留言
三角肥牛
4 浏览
0 赞好
0 留言
有圖有真相，號稱肥牛焚化爐嘅🤵🏻♂️對呢個「三角肥牛」真係讚不絕口。肥瘦分布均勻，肉質爽嫩，牛肉味濃，好似牛肩脊，亦有多少似封門柳，不過亮哥唔肯講係乜嘢，可能係商業機密。👰🏻♀️唔小心擺咗兩塊落去唔記得咗，平時啲肥牛可能已經變咗牛肉乾，但係呢個夾上嚟仍然嫩滑，真係不得不試。（🤵🏻♂️好似一個人食咗三碟）
👩🏻❤️👨🏻 海鮮拼盤
15 浏览
0 赞好
0 留言
唔好問我佢點樣做生意， $300有找竟然有咁大盆海鮮仲要任食真係不得了！最特別係有平時不常見嘅北寄貝，有時仲會有廣島蠔送！
👩🏻❤️👨🏻 菇菇
6 浏览
0 赞好
0 留言
本來打邊爐有菇係冇乜特別嘅，不過呢度零舍多款式，睇落仲要好飽滿，令到極愛食菇嘅👰🏻♀️雙眼發光，口水直流！
👩🏻❤️👨🏻 秘製「好雙乳」
招牌「好雙乳」醬汁
1 浏览
0 赞好
0 留言
重點嚟喇，特登賣關子擺到最後！食羊肉有腐乳醬是基本吧。但係亮哥另一獨門秘方，就係呢個「好雙乳」秘製醬汁。濃郁惹味，配上羊肉同羊肚簡直係天作之合！究竟點解叫做好雙乳呢，亮哥今次絕對唔吝嗇，開宗明義係腐乳加南乳，再加上其他秘製配料，仲好大口氣咁話，我講俾你聽你都學我唔到！👰🏻♀️🤵🏻♂️都極度鍾意呢個醬汁，羊肉食完之後點肥牛，肥牛食完之後點金菇！
寫呢篇食評嘅時候，👰🏻♀️🤵🏻♂️仲好回味食材、湯底、到醬汁各項味道，差啲唔記得講仲有汽水任飲。而家馬上要約朋友再去多次！
张贴
