頤膳房 (已結業)

難得有個機會可以係文化保育嘅地方一日，亦安排中間係度食飯，附近要出去亦要行一段路。想免費泊車就一定要係呢度消費先得。呢度有中或者西餐可以揀，如果揀中餐係無沙律，要另加38元先得。有自助嘅沙律吧，有中或西湯可以揀。食材都算新鮮，而湯普遍大家都話淡味啲。朋友話呢個香煎海鱸魚好「鞋」，唔好食，而且相信已經整起左一段時間，上菜個陣已經唔熱。我食呢個香辣蒜香鮮蝦意粉，有幾粒大蝦，幾厚肉，不過味道欠奉，相反個意粉好入味，好均勻，同蝦有點兒格格不入咁。環境座位係可以嘅，係有啲熱，係我地個邊有冷氣滴水。如果入到黎參觀要食飯都只能揀呢間，提議中菜會好啲，炒嘢都會穩陣，價錢略貴。