悦川

营业中

休息中

收工同friend去咗荃灣呢間京川滬菜館，地方闊落又乾淨，仲有大枱啱晒一班人吹水～ 🐟老壇酸菜魚（細份） 細份都大份到癲！酸菜脆卜卜超入味，魚腩厚切又多到瀉，一啲腥味都冇。仲有勁量芽菜同闊粉，兩個人食到捧住個肚走！ 🦑乾鍋魷魚蝦 炒到乾身又香口，辣度啱啱好。魷魚煙韌得嚟唔會韌，蝦隻隻都爆膏，炒出嚟嘅蝦油香到隔離枱都望過嚟！ 🥬清炒萵筍絲 簡單用鹽炒已經好夠，萵筍絲爽脆清甜，食完濃味嘢啱晒用來清下個口～ 估唔到街坊價錢咁高質，酸菜魚同乾鍋都夠晒鑊氣。特別係個酸菜魚，魚肉多到似唔使錢，下次一定要試埋佢個小籠包！