稻八日式火鍋炸物放題 (已結業)

好耐無過黎荃灣啦，難得約左朋友過黎行下街，係荃灣搵好嘢食太多選擇，都唔知食咩好。呢間係千色店附近有間放題日式邊爐，一開𨋢呢個位都幾吸睛，好似去咗日本咁。成間鋪全晚狂播日韓歌，環境算係舒服，寬敞同大。我地幾個邊爐精食呢個牛小排放題，佢有幾款牛可以食都幾正！4個可以有兩個盤，可以出去攞嘢食。有沙律吧（有蟹棒）、火鍋必食嘅配料（有菜，有丸類（最愛嘅芝士丸都有幾種），有麵咁，好正！）有部DIY天婦羅機幾正，先係雪櫃揀食乜，有蝦，紫薯，秋葵，福袋年糕，灸燒芝士丸，然後就咁直接炸，或者加天婦羅漿同麵包糠，放入去部機度炸2分鐘，搞掂！有啲唔同嘅粉可以加下，好好味，保證唔係話炸好耐嘅天婦羅，即炸即食原來咁好味！跟住緊係火鍋啦，我地加錢要花膠湯底，花膠無慳，聞落以為會好濃，點知係淡啲，可以接受，而且花膠煮得夠淋，有啖湯落肚就開胃啦。而且佢加湯唔係加水，係加番個花膠湯㗎！（呢度職員好細心，會係倒水遮住免噴到我地，亦會同我地介紹食物）我真心想讚牛小排，佢嘅油脂分佈勁細密，滾兩下，好有咬口，牛味夠濃！牛嘅質素都唔差！可以encore！成枱人都叫啤酒，都可以任飲！咁先正！雪榚選擇還好，至少有Dreyers。我地