K11開左台式水果茶飲店，仲要有櫈坐，同朋友濕平完，難捨難離，坐低飲杯野吹下水小休一下。
台灣愛文芒果沙冰 $48 [半糖]
～行街到勁口渴，店員推介我飲呢個熱賣飲芒果沙冰，勁大杯勁多新鮮芒果肉，芒果好甜，個底有啲檸檬愛玉增加口感，唔會好膩，解渴100分，下次我都會再飲！！
台灣芋頭鮮奶 $36 [無糖熱]
～因為無糖，所以奶味比較突出，每啖都有吸到好綿滑嘅芋泥蓉，之前飲芋頭鮮奶好容易刮喉咳爆，呢個就冇問題，冬天熱飲好選擇！
芒果鮮奶酪 $28
～奶酪本身冇咩味，表面加多好多愛文芒果蓉同果肉，酸甜口味，是很好的飯後甜品！
