影片
更多
2019-02-01
185 浏览
我同老公都好鍾意食和牛，啱啱嘅聖誕節去鹿兒島旅行以為可以食盡所有嘅鹿兒島黑毛和牛啦！點知日日都早出晚歸，又撞啱日本新年！食得唔夠喉，返嚟香港心癮起一於打去尚鮮訂位，朋友係熟客仔話俾我聽有搶先食！任食 A4鹿兒島黑毛和牛 不同部位 真心少見，仲要係新鮮又高質素果隻！喺銅鑼灣黃金地段 【至尊和牛放題宴】$398 一位，實在係抵食到拍手掌。尚鮮環境都幾大，座位夠晒寬敞舒適，空間感夠唔會話好嘈，適合同朋友放工嚟食燒肉吹下水。經理話如果有10個人一齊食已經可以坐和式 VIP 獨立房。老公第一眼就望到模型車，老闆應該都係玩家喎！放題時間 120分鐘，店內用ipad落單，有圖有真相，方便快捷，送出單之後唔使幾分鐘就有嘢食。首先係店家自動奉上嘅海鮮頭盤當然要先食為敬，全部海鮮都睇得出顏色亮麗，新鮮有光澤感，高級食材有生蠔、扎扎跳嘅鮑魚和大蝦。最特別嘅都係 甲羅燒，我都係第一次動手自己做的，香濃嘅蟹膏味道配多士食就一流啦！親自燒的蠔入口 juicy 柔軟飽滿。海鮮之後就到今晚嘅主角，A4鹿兒島黑毛和牛 不同部位，必食 A4 宮崎黑毛和牛脊肉，日本和牛有油香，而且和牛油份多肉質軟腍鬆化。我第二最愛就係
任食 A4鹿兒島黑毛和牛 不同部位 真心少見，仲要係新鮮又高質素果隻！喺銅鑼灣黃金地段 【至尊和牛放題宴】$398 一位，實在係抵食到拍手掌。
尚鮮環境都幾大，座位夠晒寬敞舒適，空間感夠唔會話好嘈，適合同朋友放工嚟食燒肉吹下水。經理話如果有10個人一齊食已經可以坐和式 VIP 獨立房。老公第一眼就望到模型車，老闆應該都係玩家喎！
放題時間 120分鐘，店內用ipad落單，有圖有真相，方便快捷，送出單之後唔使幾分鐘就有嘢食。
首先係店家自動奉上嘅海鮮頭盤當然要先食為敬，全部海鮮都睇得出顏色亮麗，新鮮有光澤感，高級食材有生蠔、扎扎跳嘅鮑魚和大蝦。最特別嘅都係 甲羅燒，我都係第一次動手自己做的，香濃嘅蟹膏味道配多士食就一流啦！親自燒的蠔入口 juicy 柔軟飽滿。
海鮮之後就到今晚嘅主角，A4鹿兒島黑毛和牛 不同部位，必食 A4 宮崎黑毛和牛脊肉，日本和牛有油香，而且和牛油份多肉質軟腍鬆化。
我第二最愛就係 A4鹿兒島黑毛和牛肉三角，牛味濃烈，油花豐富、口感軟滑 。
一口牛 口感紮實。今餐燒和牛肉真係好食，試晒咁多樣絕大部份都肉質嫩滑油脂甘香。
除咗牛之外，豚肉都一啲都唔差，西班牙伊比利亞黑豚扒，肉色深淺分明，脂肪油花紋靚，脂肪比例平均，厚切燒起嚟入口仍然好滑，肉汁豐富又唔dry。
燒完牛肉就到我最愛嘅粟米同埋白酒煮蜆一樣咁美味。
牛肉食到差唔多先有時間叫刺身食，質素唔差，食材新鮮，鮮甜肥美，加醬油提升鮮味。
壽司方面都有我鍾意嘅鰻魚同埋飛魚子，款式真係多到食唔晒。
仲有我的自製炸物拼盤香脆可口。
最後的驚喜位就是甜品有Movenpick 雪糕，朱古力定士多啤梨味道都好正！為今餐畫上完美句號。尚鮮日式燒肉漁市場 一個價錢滿足晒唔同嘅願望。
题外话/补充资料：
【至尊和牛放題宴】$398 一位
(以上食记乃用户个人意见 , 并不代表OpenRice之观点。)
张贴
