影片
更多
2015-04-12
1560 浏览
來到12月這個聚餐旺季（因不少朋友和自己都是十二月生日） 所以出去搵好野食的機會又來了！好姐妹都很就我選地點都選我公司同區 佢地帶我去食泰國菜～地點都好方便，係軒尼詩道英皇集團附近 以我所知新泰東南亞餐廳 Sun Thai Restaurant以前係謝斐道開店 而家就轉左黎軒尼詩道，都算易搵既～ 餐廳空間感都幾大，而且坐得唔迫 就算一台人坐滿都坐得舒舒服服，有d卡位好似sofa咁好舒服咁 而且裝潢都幾靚，好有東南亞的風情 幾Relex 可能係新開張無耐既關係，唔洗等位而且幾清靜唔會好嘈 黎到緊係先叫野飲！我地叫左珍多冰、椰青、青檸梳打 咁多樣野入面最受歡迎既係椰青！非常清甜又解渴 仲可以刮埋佢入面d肉黎食，非常推介！ 必點的有【泰式生蝦】! 生蝦非常新鮮，冰鎮底keep住隻蝦夠凍 最值得一讚既係個「游泳池」，點醬果個位剛剛好fix左係個底到唔會阻住d蝦 草莓唔食得太辣，所以唔敢點太多醬更加食得出蝦既鮮味 雖然唔知個醬入面係咩配料，竟然出奇地好配個生蝦 記得加埋蒜同辣椒一齊食，而檸檬我就擠左d檸檬汁就算，無成塊食 跟住果碟係【香芒軟殼蟹米紙卷】 用越式米紙皮包住粉絲、青瓜果d配料 而主
來到12月這個聚餐旺季（因不少朋友和自己都是十二月生日）
所以出去搵好野食的機會又來了！好姐妹都很就我選地點都選我公司同區
佢地帶我去食泰國菜～地點都好方便，係軒尼詩道英皇集團附近
以我所知新泰東南亞餐廳 Sun Thai Restaurant以前係謝斐道開店 而家就轉左黎軒尼詩道，都算易搵既～
餐廳空間感都幾大，而且坐得唔迫 就算一台人坐滿都坐得舒舒服服，有d卡位好似sofa咁好舒服咁
而且裝潢都幾靚，好有東南亞的風情 幾Relex
可能係新開張無耐既關係，唔洗等位而且幾清靜唔會好嘈
黎到緊係先叫野飲！我地叫左珍多冰、椰青、青檸梳打 咁多樣野入面最受歡迎既係椰青！非常清甜又解渴
仲可以刮埋佢入面d肉黎食，非常推介！
必點的有【泰式生蝦】!
生蝦非常新鮮，冰鎮底keep住隻蝦夠凍
最值得一讚既係個「游泳池」，點醬果個位剛剛好fix左係個底到唔會阻住d蝦
草莓唔食得太辣，所以唔敢點太多醬更加食得出蝦既鮮味
雖然唔知個醬入面係咩配料，竟然出奇地好配個生蝦
記得加埋蒜同辣椒一齊食，而檸檬我就擠左d檸檬汁就算，無成塊食
跟住果碟係【香芒軟殼蟹米紙卷】 用越式米紙皮包住粉絲、青瓜果d配料
而主角當然係軟殼蟹啦，加埋有芒果感覺好清新
軟殼蟹同青瓜就好有口感，好脆卜卜
不過食食下忽然有d芒果味都幾怪（可能我唔太岩泰國野口味）
食泰國野又點少得【冬蔭功】呀～ 不過唔多鐘意食酸辣味既我呢道菜唔係咁岩我口味
不過試過幾啖都覺得豌冬蔭功幾足料，有好大隻蝦係入面，煲出黎好香幾鮮甜～～
身邊好鐘意飲冬蔭功既朋友飲足幾豌～
話說我地班友食肉之餘都要叫返碟菜既 【蒜蓉炒貴妃苗】炒得好香，而且豆苗夠新鮮所以好爽口
不過呢碟菜好快俾我地掃哂～雖然份量唔小不過全晚得一碟菜係搶手d
【紅毛丹肥牛卷】呢個係又一驚喜！ 雖然由我有意識起我好似無食過紅毛丹，
但原來用肥牛包住食都幾得意，紅毛丹又唔會搶左肥牛味
如果唔講都唔知入面包左生果係度，不過d汁多左小小，所以我唔點咁多醬汁一齊食
（右）仲有呢碟【炸蝦】雖然唔知佢正名係叫咩 不過我稱佢為炸蝦啦～～出面有d麵包住黎炸
都幾脆口，不過略嫌外圍炸到脆既麵有小小介口，
口腔有好易損既朋友食果陣要小心點
如果隻蝦醃得唔夠味，食落去淡味左小小～
（左）【燒牛仔骨】呢道菜又係必點，引致我地幾個女仔不客氣咁搶都只因為佢夠鬆化
燒得好Juicy，我食一舊唔點汁試個原味就好香牛味
再食多舊點左汁就濃味小小，如果有豌飯應該好好送飯！
來到重頭戲【咖喱紅星斑】出場！唔係講笑如果唔點呢個係會後悔 本人係鐘意食印度酥餅多過食飯，點埋佢個咖喱汁真係不得了！！
個咖喱汁唔會好辣，係走椰香路線 完全唔食得辣既人都唔擔心
將印度酥餅再點埋咖喱汁係最佳既配搭！好味到要再加追印度酥餅先安撫到我地
其實咖喱汁都只係配料，主角其實紅星斑先岩呀～～
嘩～一條斑啖啖肉炸完再淋咖喱汁係幾咁完美既事，又切好一舊舊又無骨
基本上呢碟野成碟都可以清哂（由斑到咖哩汁都一滴不漏）
雖然食到呢到已經都幾飽～不過朋友話呢個【香芋焗飯】好正 草莓都食左兩啖，開頭聽到香芋再加埋焗飯真係唔多睇好佢
諗唔到佢又整得d芋頭幾腍，撈埋d飯又幾香～
來到甜點時間，呢個【泰式甜品拼盤】有哂幾種唔同既糕點 而我最鐘意當然係椰汁西米糕啦，其次個菠羅椰汁糕都幾有新鮮感
南瓜+蛋果個真係第一次見～個南瓜好好味～不過加埋蛋有小小怪…
张贴
