影片
更多
2022-11-24
499 浏览
依家老挝餐厅bookmark左好耐，虽然之前喺中环返工，但总系冇机会去食，到依家离开左又想返去试下。成世人未去过老挝，都唔知老挝系食乜，咁老挝都系东南亚地方，食既野应该同泰国、越南果啲差唔多。个餐牌有超多素食拣，贪心既我就拣左个素盘菜，贪佢乜都有啲。素盘菜唔系我地平时食开一大盆乜都倒哂落去既盆菜，而系有好多小盘子装住唔同既菜式。成个set有七个小菜、饭同甜品，两个人食会饱到上心口。香芒米纸卷系点花生酱食，出乎意料之外咁夹。香脆素鸡粒系将杏鲍菇切粒拎去炸，整到好似炸鸡粒咁，几好食。茄子酱个样成个鱼香茄子咁，但原来佢个味系偏酸酸甜咁，都几得意。另外仲有青木瓜沙律、手打素鱼饼、老挝蒸粉卷同素肉碎包生茶，全部都色香味俱全，值得encore。甜品个名叫露楚甜品，露楚可能系老挝既词汇，其实系斑兰糕同芝麻糕。个糕上面有啲豆蓉花做点缀，好睇又好食。不得不提依个素鸡翼，我地order果阵个哥哥仔都提左个鸡翼其实系油炸鬼，但系我就系想知油炸鬼点整做鸡翼。结果原来真系油炸鬼，味道冇乜特别，但叫做系满足左求知欲啦。椰汁红豆冰就冇乜特别，可以试下其他更有特色既饮品。喺唔知老挝菜系食乜既情况下黎试，结果都几有惊喜
素盘菜唔系我地平时食开一大盆乜都倒哂落去既盆菜，而系有好多小盘子装住唔同既菜式。成个set有七个小菜、饭同甜品，两个人食会饱到上心口。
香芒米纸卷系点花生酱食，出乎意料之外咁夹。香脆素鸡粒系将杏鲍菇切粒拎去炸，整到好似炸鸡粒咁，几好食。茄子酱个样成个鱼香茄子咁，但原来佢个味系偏酸酸甜咁，都几得意。另外仲有青木瓜沙律、手打素鱼饼、老挝蒸粉卷同素肉碎包生茶，全部都色香味俱全，值得encore。
甜品个名叫露楚甜品，露楚可能系老挝既词汇，其实系斑兰糕同芝麻糕。个糕上面有啲豆蓉花做点缀，好睇又好食。
不得不提依个素鸡翼，我地order果阵个哥哥仔都提左个鸡翼其实系油炸鬼，但系我就系想知油炸鬼点整做鸡翼。结果原来真系油炸鬼，味道冇乜特别，但叫做系满足左求知欲啦。
椰汁红豆冰就冇乜特别，可以试下其他更有特色既饮品。
喺唔知老挝菜系食乜既情况下黎试，结果都几有惊喜，亦令我想继续发掘冷门菜系既素食。
张贴
