綠茶餐廳 (朗豪坊)

踏入呢間充滿古風雅韻嘅中式餐廳，以龍井茶文化為主題，聯乘米芝蓮星廚俞斌設計特色菜單，將清新茶香巧妙融入每道料理～坐喺淺木色調空間細味茶香料理，忙碌生活嘅疲憊瞬間被治癒🌿～而家仲推出會員APP💥有新會員迎新優惠💥更加抵食！

🔸龍井烤雞 $138
嚴選三黃雞用龍井茶葉慢火烤製，金黃雞皮撕開時茶香隨蒸氣飄散，肉質嫩滑帶淡淡燻香✨連雞胸部位都保持濕潤，師傅功力十足！

🔸粉絲裹蝦 $108
睇住粉絲吸盡蝦汁同蒜蓉～大蝦彈牙，粉絲索味力⬆️⬆️，熱辣辣食真係滋味無窮😙😙！

🔸筆墨酥香 $48
造型似文房四寶！白豆沙製成酥餅微甜不膩，酥餅蘸朱古力醬似毛筆寫字，好有創意👍🏻(都唔捨得破壞件藝術品)

🔸酸木瓜黃皮檸檬茶 $28
茉莉龍井茶底融合黃皮同酸木瓜，酸甜清爽透心涼❄️～飲完成個人醒神晒，完美平衡烤雞嘅濃味