喵仔今日帶喵女去一家，好有格調嘅中菜館，門口個霓虹燈牌寫住「開飯啦」，超吸睛！😍 入到去見到啲裝修好似屋仔咁，好溫馨，但啲菜式又好有創意，喵仔個為食雷達即刻「嗶嗶」作響，話我知呢度有好嘢食！
ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………
✨1) 外婆紅燒肉，流心蛋
呢個紅燒肉不得了！啲豬肉炆到超腍滑，肥瘦均勻，入口即溶，個醬汁甜甜鹹鹹好惹味，完全係白飯小偷啊！🍚 旁邊隻流心蛋切開，啲蛋黃漿湧出嚟，撈埋啲肉汁一齊食，邪惡感十足！
✨2) 七里莊酒糟醉雞
個醉雞好有驚喜！雞皮爽滑，雞肉又嫩又滑，一啲都唔韌。最正係陣陣香醇嘅酒糟味，滲透曬成件雞，食落口齒留香，係一個好開胃嘅冷盤，喵女大讚！👍
✨3) 蟹粉扒豆苗
嘩！呢個蟹粉扒豆苗超足料！金黃色嘅蟹粉醬鋪滿曬啲豆苗，每一啖都食到濃郁嘅蟹黃鮮味同蟹肉絲。豆苗好嫩綠，完全冇渣，索曬啲蟹粉汁，鮮味 double up！就算係平時唔鍾意食菜嘅喵仔都清曬成碟！
✨4) 炸芝麻團
呢個芝麻團用個好得意嘅竹籃仔上枱，打卡一流！📸 炸到外層金黃香脆，面頭鋪滿黑白芝麻，咬開去煙煙韌韌，入面個餡唔會太甜，熱辣辣食真係好正！一啖一粒，好快就俾我哋食曬～
✨5) 特色飲品
飲品都好有特色！喵女叫咗杯「長氣嫲嫲」，即係熱情果羅勒茉莉茶，飲落酸酸甜甜好清新，羅勒味好夾，好驚喜！🍹 喵仔就試咗「爆打鴨屎檸檬茶」，茶底好香，加埋手打檸檬嘅清香，解渴又解膩，食完啲濃味嘢飲返啖即刻爽曬！
😻吸喵指數：9/10
🤍環境裝修有心思，屋仔卡位私隱度高又舒服，打卡一流！
🤍菜式名同飲品名好有創意，食物質素高，係傳統中帶點新派Fusion。
🤍外婆紅燒肉同蟹粉豆苗必點，味道濃郁，送飯簡直無敵！
🤍飲品選擇多，手打檸檬茶同特色水果茶都好出色，解膩一流。
1
