影片
更多
2021-03-27
1652 浏览
Wheeee (｡･ω･｡)ﾉ٩(˃̶͈̀௰˂̶͈́)و【科學園飲茶 要嗌埋啊嫲】試哂科學園三間茶樓，我覺得呢間係最高質的👍🏻 一去到門口已經覺得裝修不錯，似高級嘅中菜廳。價錢比起其他茶樓略高，但我覺得係值得嘅，因為真係好食啲，再加上最近有9折優惠。如果踩單車經過或者咁啱去科學園的話，不妨一試～ 但係美中不足嘅係啲嘢食嚟得好慢，至少要等廿分鐘。基本上每一枱都有催過啲職員🤧 如果冇乜時間或者好肚餓就唔好食呢間啦🤣～我是Menu～鴛鴦蟹籽燒賣皇 $58一籠四粒，粒粒都幾大粒😯 外皮厚薄適中，欣賞佢個餡冇用好多肥豬肉，應該瘦肉嘅比例多啲，所以食落唔會好油，仲食到幾大粒嘅爽口蝦肉。見佢寫鴛鴦蟹籽，特登㗳真啲。我估鴛鴦佢只係將啲蟹籽染咗做黑色，唔係第二種籽。不過估佢唔到啲蟹籽幾好食🤯 唔知大家明唔明，佢係咬得爆嘅嗰種蟹籽，同埋竟然勁有鮮味！到底係我平時冇認真食定係佢呢隻真係特別唔同呢🤣黑椒牛崧陳村粉 $58牛崧即係（免治牛肉）醃得啱啱好，唔會太咸，黑椒味都好夠。牛崧份量都幾多，夠撈哂啲薄身嫩滑嘅陳村粉。估唔到佢都幾大碟，啱多啲人share🥱啜啜流沙包 $36老實講有啲失望，聽個名以為啲奶黃餡會流啦，仲特登篤
【科學園飲茶 要嗌埋啊嫲】
試哂科學園三間茶樓，我覺得呢間係最高質的👍🏻 一去到門口已經覺得裝修不錯，似高級嘅中菜廳。價錢比起其他茶樓略高，但我覺得係值得嘅，因為真係好食啲，再加上最近有9折優惠。如果踩單車經過或者咁啱去科學園的話，不妨一試～ 但係美中不足嘅係啲嘢食嚟得好慢，至少要等廿分鐘。基本上每一枱都有催過啲職員🤧 如果冇乜時間或者好肚餓就唔好食呢間啦🤣
～我是Menu～
鴛鴦蟹籽燒賣皇 $58
一籠四粒，粒粒都幾大粒😯 外皮厚薄適中，欣賞佢個餡冇用好多肥豬肉，應該瘦肉嘅比例多啲，所以食落唔會好油，仲食到幾大粒嘅爽口蝦肉。見佢寫鴛鴦蟹籽，特登㗳真啲。我估鴛鴦佢只係將啲蟹籽染咗做黑色，唔係第二種籽。不過估佢唔到啲蟹籽幾好食🤯 唔知大家明唔明，佢係咬得爆嘅嗰種蟹籽，同埋竟然勁有鮮味！到底係我平時冇認真食定係佢呢隻真係特別唔同呢🤣
黑椒牛崧陳村粉 $58
牛崧即係（免治牛肉）醃得啱啱好，唔會太咸，黑椒味都好夠。牛崧份量都幾多，夠撈哂啲薄身嫩滑嘅陳村粉。估唔到佢都幾大碟，啱多啲人share🥱
啜啜流沙包 $36
老實講有啲失望，聽個名以為啲奶黃餡會流啦，仲特登篤個窿想吱啲餡，點知我㩒佢都冇嘢出！我明喇！啜啜嘅意思係佢啲奶黃餡係唔會流出嚟嘅，自己啜啦！味道正常，多啲奶黃餡就好啦🥲 外貌就...ok啦，佢另外有個豬仔叉燒包(?)好似仲cute🐷
特色蟹肉小籠包 $58
一籠有三隻蟹肉小籠包~個皮好薄，又係訓練我夾小籠包嘅時候🥲 一咬落去啲湯汁就爆哂出嚟🤤 個肉餡都撈咗幾多蟹肉絲落去，同埋食得出冇撈好多粉（食過一間撈到成嚿餡都唔似肉，完全冇肉嘅質感）個醋係食大閘蟹嗰啲醋，點少少幾好食😋
特色炸蝦餃 $58
作為蝦餃同埋炸嘢lover，見到炸蝦餃咁新奇有趣，點可以唔試呢🤪 就咁炸蝦餃應該會冇乜味，所以有啲炸蒜同埋辣椒喺面，食落都夾嘅。入面啲蝦同平時嘅蝦餃一樣啦，但係個皮就炸到有啲硬，平時咁樣仲好食。整體來講ok嘅，不過試一次就算，下次就唔會再嗌喇。
雪梨雪耳糖水 (免費)
冇諗過飲茶會有糖水送🤤 好彩係雪梨雪耳糖水，唔係啲咩我唔鐘意嘅紅豆沙綠豆沙🤣 味道清甜，雪梨細細粒，已經煲到腍哂，雪耳仲好爽，用呢個糖水作結都唔錯🤓
～評分～ (5分滿分）
環境：🦦🦦🦦🦦
食物：🍯🍯🍯🍯
服務：🐻🐻🐻🐻
總分：💛💛💛💛
٩(˃̶͈̀௰˂̶͈́)و：呢間茶樓唔算平，不過食落係會覺得每樣嘢都有啲驚喜🤩同埋科學園員工仲有八折，位於美食荒島嘅我哋間唔中食一次都不失為一個選項😋
(｡･ω･｡)ﾉ：下次再去試吓其他特色菜先🤤
地址：
薈聚軒 (沙田)
沙田白石角香港科學園科技大道西17號19W大樓1樓106-107號舖
鴛鴦蟹籽燒賣皇
$58
38 浏览
0 赞好
0 留言
黑椒牛崧陳村粉
$58
38 浏览
0 赞好
0 留言
啜啜流沙包
$36
32 浏览
0 赞好
0 留言
特色蟹肉小籠包
$58
26 浏览
0 赞好
0 留言
特色蟹肉小籠包
$58
23 浏览
0 赞好
0 留言
特色炸蝦餃
$58
17 浏览
0 赞好
0 留言
雪梨雪耳糖水
13 浏览
0 赞好
0 留言
张贴
