火五越式牛肉粉專門店 (其昌樓)

营业中

休息中

之前都有食過另一間分店，係一間會令人留有好深印象嘅越南粉～因為佢餸菜配搭選擇好多，但價錢又幾親民，所以係好正嘅越南菜選擇～今次試咗好熱門嘅魚翅花膠雞湯河，只需$59就食到花膠同魚翅嘅越南粉，而且花膠同魚翅份量一啲都唔少，唔係淨係玩啅頭！而雞又夠嫰滑，湯底清甜，係滿分之選！另外就叫咗炸軟殼蟹撈檬($68)，炸軟殼蟹係泰國菜入面就見得多，越南就少見啲！軟殼蟹咬落去係熱辣辣仲好脆，同個撈檬好夾！小食方面叫咗扎肉米紙卷($32)，餡料勁多，沾埋個汁食好開胃！飲品試咗青檸梳打同咸檸雪碧，都係水準之上！整體而言，呢間野性價比一流！