喵盒子 (已結業)

去到呢棟大廈，好多都想食，當然有啲係一定係優先去食。黎到呢度，由於仲係早，得一枱客就係我地，好似時間靜止落黎咁，可以好好享受一下。好多都係喵嘅蹤影，有畫有攬枕，個攬枕像真度都幾高㗎。一次過睇大家都知中午至夜晚有咩食先係湯，好綿，好好味南瓜湯，唔會好死甜，呢個湯做頭盤幾好。青醬白酒雞肉扁意粉，98元，呢個有驚喜，青醬好均匀，菇飛哂水有上到汁，而且味道非常好，雞肉夠哂嫩，掛汁都唔錯。本身以為咁綠會麻麻，佢嘅油剛剛好，唔會太過，小小香而不膩。