560
30
8
等级4
904
0
2023-06-05 111 浏览
【灣仔區】【麻辣風雲】食得川菜都走唔甩「酸菜魚」,$268。有位朋友平時唔太食辣,原來佢係第一次食呢道菜。加上識咗佢十幾年都知佢有幾中意食魚,佢居然覺得啲魚幾滑,質素幾高,聽到我呆晒。不過,我都覺得係幾好食嘅。另一位朋友就稱讚啲魚肉滑得嚟夠厚實唔易碎,唔會一夾就散晒咁,係好食嘅。加上佢真係完全冇骨,唔會話咩要人留意細骨之類,係幾勁。另外大家一致認為個寬粉幾好食,但係比較難夾易碎,係成兜嘢僅餘可以挑剔嘅嘢。之後嚟咗座好有霸氣嘅木船,噴晒煙咁出嚟,船頭就有個中國籍中年男子咁嘅公仔。船中間就裝住 $58 嘅煉奶配「炸饅頭」一份,個炸饅頭外脆內軟而唔會太熱氣,擺咗陣都仲脆,彷彿喺裊裊輕煙之下訴說中國籍男子嘅故事。之後就嚟咗個 $128 嘅「椒鹽雞軟骨」,點解佢會嚟係因為我個十幾年朋友話要食,貪佢夠香脆、夠熱氣,食落又真係做到呢個效果。本身我諗住唔係咁多客人會叫,未必咁穩定,點知出到嚟都好好食,成件事夠晒可歌可泣。之後整份「自選干鍋」,揀咗蔥爆嘅小辣,餸菜就要特色牛肉餅、肥腸、萵筍、鮮枝竹、魚春,咁樣就係 $248。鍋底嘅蓮藕片厚薄度適中,夠腍唔會太硬,幾正。個特色牛肉餅就相當適合啲好中意食牛丸
更多
【灣仔區】【麻辣風雲】食得川菜都走唔甩「酸菜魚」,$268。有位朋友平時唔太食辣,原來佢係第一次食呢道菜。加上識咗佢十幾年都知佢有幾中意食魚,佢居然覺得啲魚幾滑,質素幾高,聽到我呆晒。不過,我都覺得係幾好食嘅。

另一位朋友就稱讚啲魚肉滑得嚟夠厚實唔易碎,唔會一夾就散晒咁,係好食嘅。加上佢真係完全冇骨,唔會話咩要人留意細骨之類,係幾勁。另外大家一致認為個寬粉幾好食,但係比較難夾易碎,係成兜嘢僅餘可以挑剔嘅嘢。

之後嚟咗座好有霸氣嘅木船,噴晒煙咁出嚟,船頭就有個中國籍中年男子咁嘅公仔。船中間就裝住 $58 嘅煉奶配「炸饅頭」一份,個炸饅頭外脆內軟而唔會太熱氣,擺咗陣都仲脆,彷彿喺裊裊輕煙之下訴說中國籍男子嘅故事。

之後就嚟咗個 $128 嘅「椒鹽雞軟骨」,點解佢會嚟係因為我個十幾年朋友話要食,貪佢夠香脆、夠熱氣,食落又真係做到呢個效果。本身我諗住唔係咁多客人會叫,未必咁穩定,點知出到嚟都好好食,成件事夠晒可歌可泣。

之後整份「自選干鍋」,揀咗蔥爆嘅小辣,餸菜就要特色牛肉餅、肥腸、萵筍、鮮枝竹、魚春,咁樣就係 $248。鍋底嘅蓮藕片厚薄度適中,夠腍唔會太硬,幾正。個特色牛肉餅就相當適合啲好中意食牛丸嘅朋友,因為係好似嘅。

其他餸都幾好食,尤其個魚春,簡直邪惡度爆錶。不過可惜又係冇人食田雞,乾鍋牛蛙呢啲真係「人生小確幸」嚟嘛。最後再叫埋 $58 嘅「黑糖脆炸糍粑」,幾好食嘅,用海底撈標準嚟睇呢個仲會整得有彈性、有水份啲。

嘢飲方面,我嘅「鮮芒椰果玉露」同朋友嘅「冰涼椰汁冰」都係正常水準,另一位朋友嘅「冰爽龍眼冰」就甘甜解渴,價錢都係 $38。特別之處係隻杯好靚,側側哋咁嘅設計可以令到客人喺味覺以外仲可以得到視覺上嘅效果。。。

(地址:銅鑼灣駱克道491-499號京都廣場5樓)

#1amfoodie #foodie #hkfoodie #thatfoodiething #food #instafood #globaleats #followforfollowback #love #eat #1am灣仔區 #銅鑼灣 #麻辣風雲 #京都廣場 #酸菜魚 #炸饅頭 #川菜 #椒鹽雞軟骨 #干鍋 #特色牛肉餅 #肥腸 #萵筍 #鮮枝竹 #魚春 #黑糖脆炸糍粑 #鮮芒椰果玉露 #冰涼椰汁冰 #冰爽龍眼冰 #1am0838 #1ambackup
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食